ކެމިކަލް ރައްކާކުރާ ތަންތަން ހުރިތޯ ބެލުމަށް ހިންގާ އޮޕަރޭޝަނެއްގައި 402 ތަނެއް ބަލައި ފާސްކޮށްފިއެވެ.

"އޮޕަރޭޝަން ހިރާސް ފާސް" ގެ ނަމުގައި ހިންގާ ނުރައްކާތެރި ކެމިކަލާބެހޭ ގަވާއިދުގަިއ ބަޔާންކޮށްފައިވާ މިންގަނޑަށް ކެމިކަލް ރައްކާކުރާ ތަންތަނާއި ވިޔަފާރި ކުރާ ތަންތަން ހުރިތޯ ބެލުމަށް ހިންގާ މި އޮޕަރޭޝަން ގައި ތިން ދުވަސް ތެރޭގައި އިންސްޕެކްޝަން ޓީމްތަކުން ވަނީ ގިނަ އަދަދެއްގެ ތަންތަން ބަލާ ފާސްކޮށްފައެވެ. އެގޮތުން، މީހުން ދިރިއުޅޭ 347 އިމާރާތާއި، ނުރައްކާތެރި ކެމިކަލް ގުދަންކުރާ 31 ގުދަނާ އަދި ކެމިކަލް ވިއްކާ 24 ފިހާރަ ބަލައި މަޢުލޫމާތު އެއްކޮށްފައި ވެއެވެ.

Ad by Hajj Corporation

އޮކްޓޫބަރު މަހުގެ 1 ން 15ގެ ނިޔަލަށް ކުރިއަށް ގެންދިއުމަށް ހަމަޖެހިފައިވާ މި އޮޕަރޭޝަންގައި ކެމިކަލް ރައްކާކުރާ ތަންތަނާއި ވިޔަފާރިކުރާ ތަންތަން ހިންގަނީ ގަވާއިދާ އެއްގޮތަށްތޯ ބެލުމުގެ އިތުރުން، ގްރޭޓާ މާލެ އޭރިއާގައި ފަސޭހައިން އަލިފާންރޯވާފަދަ ތަންތަނާއި އެ ތަންތަނުގައި ހުރި ހިރާސްތައް ވެސް މި އޮޕަރޭޝަން ގެ ތެރެއިން ދެނެގަންނާނެ ކަމަށް މިނިސްޓްރީ އޮފް ޑިފެންސް އިން ނެރުނު ޕޯސްޓެއްގައި ހާމަކޮށްފައިވެއެވެ.