1 ލިޓަރާއި އެއަށްވުރެ ކުޑަ، 500 މިލީލީޓަރާ ހަމައަށް ހުންނަ ޕްލާސްޓިކް ފެންފުޅި ރާއްޖެ އެތެރެކުރުމާއި އުފެއްދުން މަނާކުރަން ފެށުމުގެ ތާރީޚު 2027 ވަނަ އަހަރުގެ ޑިސެމްބަރު 1 ވަނަ ދުވަހަށް ފަސްކޮށްފިއެވެ.

އަދި މިފަދަ ފެންފުޅި ވިއްކުން މަނާކުރަން ފަށާ ތާރީޚު 2028 ވަނަ އަހަރުގެ ޖޫން 1 ވަނަ ދުވަހަށް ވަނީ ފަސްކޮށްފައެވެ.

Ad by Hajj Corporation

މި ބަދަލު ގެނެސްފައިވަނީ ރައީސުލްޖުމްހޫރިއްޔާގެ ގަރާރު ނަންބަރު 35/2025 އިންނެވެ. މިއީ 2027 ވަނަ އަހަރުގެ ނިޔަލަށް ރާއްޖޭގެ ހުރިހާ އާބާދީ ބޮޑެތި ރަށްރަށުގައި ސާފު ބޯފެނުގެ ނިޒާމު ގާއިމުކުރުމަށް ސަރުކާރުން ކުރަމުންދާ މަސައްކަތުގެ ތެރެއިން، މިހާރު ސާފު ބޯފެނަށް ބަރޯސާވެފައިވާ ރައްޔިތުންނަށް ދިމާވެދާނެ ދަތިތަކުން ސަލާމަތްކުރުމަށްޓަކައެވެ.

ސަރުކާރުން ދެކޭ ގޮތުގައި، މި ނިޒާމުތައް ގާއިމުކުރުމުގެ ކުރިން މި މަނާކުރުން ތަންފީޒުކޮށްފިނަމަ، ރައްޔިތުންނަށް ގިނަ ގޮންޖެހުންތަކާ ކުރިމަތިލާން ޖެހިދާނެއެވެ.