ކުންފުނީގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތަށް މާލެ ސިޓީގެ ބައެއް ސަރަހައްދުތަކުން މިއަދު ކަރަންޓް ކެނޑޭނެ ކަމަށް ސްޓެލްކޯއިން ބުނެފިއެވެ.

މިކަން ހާމަކޮށް އެ ކުންފުނިން ބުނީ މާލެ ސިޓީ، އަނޯނާ ގޯޅި، ސަބުދެރިޔާ މަގު އަދި ސަތަރު ގޯޅި ހިމެނޭ ސަރަޙައްދުން މިއަދު ހެނދުނު 09:30 އާއި 11:00 އާ ދެމެދު ކަރަންޓުގެ ޚިދުމަތް މެދުކެނޑުމަކީ އެކަށީގެންވާ ކަމެއްކަމަށެވެ.

Ad by Hajj Corporation

އަދި ހިލާލީ މަގު އަދި އިސްކަންދަރު މަގު ހިމެނޭ ސަރަޙައްދުން މެންދުރުފަހު 14:00 އާއި 15:00 އާ ދެމެދު ކަރަންޓުގެ ޚިދުމަތް މެދުކެނޑުމަކީ އެކަށީގެންވާ ކަމެއްކަމަށްވެސް އެ ކުންފުނިން މައުލޫމާތުދެއެވެ.

ސްޓެލްކޯއިން އާންމުކޮށް ކަރަންޓް ކަނޑަނީ ލޯ ވޯލްޓޭޖް (400 ވޯލްޓު) ޑިސްޓްރިބިއުޝަން ނެޓްވޯކުގެ އަޕްގްރޭޑިންގ އަދި މެއިންޓަނަންސް މަސައްކަތަށެވެ. 

ކަރަންޓު ނެތުމުގެ ސަބަބުން މި ވަގުތުތަކުގައި ދިމާވެދާނެ ދަތިތަކަށް އެ ކުންފުނިން ވަނީ މައާފަށްއެދިފައެވެ.