ސިއްހަތަށް އެންމެ ރަނގަޅީ ކޮފީއެއް ނުވަތަ ސައި ތައްޓެއް ހެއްޔެވެ؟

މި ދެ ބާވަތުން ވެސް ސިއްޙީ ގޮތުން ގިނަ ފައިދާތަކެއް ކުރާ ކަމަށާއި އޭގެ ތެރޭގައި ހަކަތަ އިތުރުކުރުމާއި އިންފްލެމޭޝަން ކުޑަކުރުމާއި ހިތުގެ ބަލިތައް ޖެހުމުގެ ފުރުސަތު ކުޑަކޮށްދެއެވެ.ނަމަވެސް ހާޓް އެޓޭކެއް ނުވަތަ ސްޓްރޯކެއް ޖެހުމުގެ ނުރައްކަލަށް ބަލާއިރު އެންމެ މަތިވެރި ރަސްކަން ކުރާތަން ފެނެއެވެ.

25،000 އަށް ވުރެ ގިނަ މީހުންގެ މެދުގައި ބައިނަލްއަގުވާމީ ފެންވަރުގައި ކުރި ދިރާސާއަކުން ދައްކާ ގޮތުގައި ދުވާލަކު ހަތަރު ތަށި ކޮފީ އަށް ވުރެ ގިނައިން ކޮފީ ބުއިމުން ސްޓްރޯކް ޖެހުމުގެ ފުރުސަތު ގާތްގަނޑަކަށް 40 ޕަސެންޓް އިތުރުވެ އެވެ. އަދި ހަމަ އެ އަދަދަށް ސައި ބުއިމުން ނުރައްކާ ގާތްގަނޑަކަށް ފަސްބައިކުޅަ އެއްބަޔަށް ކުޑަވެއެވެ.

ސައިންސްވެރިން ލަފާކުރާ ގޮތުގައި މިގޮތަށް ދިމާވަނީ ގިނައިން ކޮފީ ބޯ މީހުންނަށް ލޭމައްޗަށް ދިއުން ފަދަ ހިތުގެ މައްސަލަތައް ކުރިމަތިވުމުގެ ފުރުސަތު ބޮޑުވެ ސްޓްރޯކް ޖެހުމުގެ ފުރުސަތު ބޮޑުވާތީ އެވެ.އަދި ދުވާލަކު ހަތަރު ތަށި ނުވަތަ އެއަށް ވުރެ ގިނައިން ކޮފީ ބުއިމުން ސްޓްރޯކް ޖެހުމުގެ ފުރުސަތު 37 ޕަސެންޓް އިތުރުވެއެވެ. ނަމަވެސް ކޮންމެ ވެސް ބާވަތެއްގެ ޓީއެއް އެއް މިންވަރަކަށް ބުއިމުން ނުރައްކާ 19 ޕަސެންޓް ކުޑަވެގެން ދެ އެވެ. އާލް ގްރޭ އާއި ބްރެކްފާސްޓް ޓީ ހިމެނޭ ބްލެކް ޓީގައި ސްޓްރޯކް ޖެހުމުގެ ފުރުސަތު އެންމެ ކުޑަވެފައި ވަނީ 29 ޕަސެންޓްގައި ކަމަށާއި ގްރީން ޓީގެ ސަބަބުން 27 ޕަސެންޓް ރިސްކު ދަށްވާކަމަށް ވެސް ސައިންސްވެރީން ލަފާކުރެއެވެ .

ސައިންސްވެރިން ފާހަގަކުރި ގޮތުގައި މާގިނައިން ކޮފީ ބުއިމުގެ ސަބަބުން މީހުންގެ ލޭގެ ޕްރެޝަރު މަތިވުމާއި ހިތުގެ ވިންދު މަތިވުން ފަދަ މައްސަލަތައް ކުރިމަތިވާ މިންވަރު ގިނައެވެ. ނަމަވެސް ކޮންމެ ބާވަތެއްގެ ޓީއަކަށްވެސް ކިރު އެޅުމުން ސްޓްރޯކާ ގުޅިގެން ލިބިދާނެ ހުރިހާ ފައިދާއެއް ގެއްލިގެންދާކަން ސައިންސްވެރިން ވަނީ ފާހަގަކޮށްފައެވެ.