logo
Bank of Maldives

Bank of Maldives

ޚަބަރު

ބާޒާރުމަތީ ބަނދަރު ސަރަޙައްދުން އުޅަނދުތައް ނެގުމަށް އަންގައިފި

އައިޝަތު ނަޝާ
14 ޑިސެމްބަރު 2025 - 10:03
ބާޒާރުމަތީ އުޅަނދު ހުސްކުރުމަށް އަންގާފައިވާ ގޮތުގެ ޗާޓް:  ފޮޓޯ: އެމްޕީއެލް
ބާޒާރުމަތީ އުޅަނދު ހުސްކުރުމަށް އަންގާފައިވާ ގޮތުގެ ޗާޓް: ފޮޓޯ: އެމްޕީއެލް

ބާޒާރުމަތީ ސަރަހައްދުގެ މަގު ހެދުމުގެ މަސައްކަތާއެކު އެ ސަރަޙައްދުގެ އެއްގަމު ތޮށިވެސް އަލުން ތަރައްޤީކުރުމަށް ހަމަޖެހިފައިވާތީ، މިހާރު މަސް ދޯނިތައް އަޅާ ސަރަޙައްދުން އުޅަނދުތައް ނެގުމަށް އެމްޕީއެލްއިން އަންގައިފިއެވެ.


އެމްޕީއެލްއިން ބުނި ގޮތުގައި، މި ބަދަލާއެކު ވަގުތީ ގޮތުން އެމްއެމްއޭ ކުރިމަތިން އޮންނަ ސަރަޙައްދުގައި އެ އުޅަނދުތައް އަޅާފައި ބެހެއްޓޭނެ އިންތިޒާމް ހަމަޖައްސަމުންދާކަމަށެވެ.

Ad by Hajj Corporation

Ad by Hajj Corporation

ބަނދަރުގެ އެއްގަމު ތޮށި ހެދުމުގެ މަސައްކަތަށް، ބާޒާރު މަތީ ސަރަޙައްދުގެ ފަޅުތެރެ ހުސްކުރާނީ 3 ބަޔަކަށް ބަހާލައިގެންކަމަށާއި، އެގޮތުން ފުރަތަމަ ހުސްކުރުމަށް އަންގާފައިވަނީ މަސް މާރުކޭޓުން ފެށިގެން، 100 މީޓަރުގެ ސަރަޙައްދަށް ކަމަށް އެމްޕީއެލްއިން ވަނީ ބުނެފައެވެ. އެއީ މިހާރު މަސް މާރުކޭޓު ކުރިމަތިން، މަސް ދޯނިތައް އެޅުމަށް ބޭނުންކުރާ ސަރަޙައްދެވެ.

މި ސަރަޙައްދުގައި ހުރި އުޅަނދުތައް މިމަހުގެ 19ވަނަ ދުވަހުގެ ނިޔަލަށް ނެގުމަށް ވަނީ އަންގާފައެވެ. ބަނދަރުގެ އެއްގަމު ތޮށީގެ މަސައްކަތްތައް 20 ވަނަ ދުވަހު، ފެށުމަށް ވަނީ ހަމަޖެހިފައެވެ. އަދި އުޅަނދުފަހަރު އަޅާފައި ބޭއްވޭނެ ސަރަޙައްދުތަކުގައި ފާހަގަތައް ޖަހާފައި ހުންނާނެކަމަށްވެސް އެމްޕީއެލްއިން މަޢުލޫމާތުދެއެވެ.

ސަރުކާރުން އަމާޒުކޮށްފައިވަނީ ބާޒާރު މަތި، މުޅި ސަރަޙައްދުގެ މަސައްކަތް އަންނަ ރަމަޟާން މަހުގެ ކުރިން ނިންމުމަށެވެ. ދެވަނަ އަދި ތިންވަނަ ސެގްމަންޓްގައި ހިމެނޭނީ އަތޮޅުތަކަށް މުދާ އުފުލާ ބޯޓުފަހަރު އަޅަމުންދާ ސަރަޙައްދެވެ.

ބޮޑުތަކުރުފާނު މަގު ތަރައްޤީކުރުމުގެ މަސައްކަތުގެ ދެވަނަ ފިޔަވަހީގައި، މާލޭގެ ލޯކަލް މާރުކޭޓުން ފަށައިގެން، ނޯތް ހާބަރާ ހަމައަށް ޖުމްލަ 250 މީޓަރުގެ ސަރަޙައްދެއް ތާރު އަޅާ ސަމާނީ ފެންވަރަށް ތަރައްޤީކުރެއެވެ. މިހާރު ވަނީ މަގުގެ ޢަމަލީ މަސައްކަތްތައް ސައިޓުގައި ފަށާފައެވެ. މި މަސައްކަތް ކުރަނީ އެމްޓީސީސީއާ ހަވާލުކޮށްގެންނެވެ.

Bank of Maldives

Bank of Maldives

ކޮމެންޓް

ގުޅުންހުރި ލިޔުންތައް

ބާޒާރުމަތީ ބަނދަރު ސަރަޙައްދުން އުޅަނދުތައް ނެގުމަށް އަންގައިފިޚަބަރު | 7 ގަޑިއިރު ކުރިންއިންޑިއާގެ ޓުޓިކޮރިންއިން ކުޅުދުއްފުއްޓަށް މުދާ ހިފައިގެން އައި ފުރަތަމަ ބޯޓު ބަނދަރުކޮށްފިޚަބަރު | 23 ދުވަސް ކުރިންނުކުޅެދުންތެރިކަން ހުންނަ އިތުރު 40 ފަރާތަކަށް އެމްޕީއެލްއިން ވަޒީފާ ދީފިޚަބަރު | 23 ދުވަސް ކުރިންލޯފަން މީހުންނަށް އެމްޕީއެލްގެ ވެބްސައިޓް ބޭނުންކުރެވޭ ގޮތަށް ފަރުމާކޮށް ލޯންޗްކޮށްފިޚަބަރު | 24 ދުވަސް ކުރިން