ހުޅުމާލެ ދެވަނަ ފިޔަވަހީގެ ހިޔާ ޓަވަރުތަކުގެ ބޭރުގައި އިތުރު ސީސީޓީވީ ކެމެރާތަކެއް ހަރުކުރުމުގެ މަސައްކަތް، ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) ން ފަށައިފިއެވެ.

އެޗްޑީސީން މީސްމީޑިއާގައި ކުރި ޕޯސްޓެއްގައި ބުނެފައިވަނީ، ހިޔާ ސަރަހައްދުގައި ދިރިއުޅޭ ފަރާތްތަކުގެ ރައްކާތެރިކަން ކަށަވަރު ކުރުމަށްޓަކައި، ޓަވަރުތަކުގައި ސީސީޓީވީ ކެމެރާ ބެހެއްޓުުމުގެ މަސައްކަތް ކުރަމުން އަންނަ ކަމަށެވެ. މި ކެމެރާތައް ބެހެއްޓިގެން ދިއުމުން، ހިޔާ ސަރަހައްދު މޮނީޓަރ ކޮށް ބެލެހެއްޓުން އިތުރަށް ހަރުދަނާވާނެ ކަމަށް އެޗްޑީސީން ބުނެފައިވެއެވެ.

Ad by Hajj Corporation

މިފަހަރު ސީސީޓީވީ ކެމެރާ ހަރުކުރަނީ ޓަވަރުތަކުގެ ބޭރުގަ އެވެ.

ހިޔާ ޓަވަރުތަކުގެ އެތެރޭގައި ކޮންމެ ފުލޯ އެއްގެ އިތުރުން ސިޑިގޮޅިތަކާއި ލިފްޓުތަކާއި ބޭސްމަންޓުގައި މިހާރު ވެސް ސީސީޓީވީ ކެމެރާ ހަރުކޮށްފައި ހުރެއެވެ.

ހުޅުމާލޭގެ މަގުތަކާއި އާންމު ތަންތަނާއި އިމާރާތްތަކުގެ ސެކިއުރިޓީ 24 ގަޑިއިރު ބަލަހައްޓަން އެސްޓޭޓް ސެކިއުރިޓީގެ ހިދުމަތް ވެސް އެޗްޑީސީން މި ހަފުތާގައި ވަނީ ތައާރަފުކޮށްފައެވެ.

ބޮޑު އާބާދީއެއް ދިރިއުޅޭ ހިޔާ ފްލެޓުގެ 16 ޓަވަރު ހުޅުމާލެ ދެނަވަ ފިޔަވަހީގައި ހުރެއެވެ. އެޗްޑީސީން އަންނަނީ އެ ހުރިހާ ޓަވަރެއްގައި އިތުރު ލިފްޓު ހަރުކުރުމުގެ މަސައްކަތް ވެސް ކުރަމުންނެވެ.