logo
MPL

MPL

ކުޅިވަރު

ދަގަނޑޭގެ ކުޅުމެއް ބަލާލަން ކެތްމަދުވެފައި ތިބި ސަޕޯޓަރުންނަށް ކޯޗު ސުޒެއިން މިދެނީ އުފާވެރި ހަބަރެއް

އާމިނަތު ޝަފާ
24 ޑިސެމްބަރު 2025 - 13:06
ދަގަނޑޭގެ ކުޅުމެއް ބަލާލަން ކެތްމަދުވެފައި ތިބި ސަޕޯޓަރުންނަށް ކޯޗު ސުޒެއިން މިދެނީ އުފާވެރި ހަބަރެއް

ރާއްޖޭގައި އުފެދުނު އެންމެ މޮޅު ފުޓުބޯޅަ ކުޅުންތެރިޔާ އަލީ އަޝްފާގް (ދަގަނޑޭ)ގެ ކުޅުމެއް ގަލޮޅު ދަނޑުން ބަލާލަން ކެތްމަދުވެފައި ތިބި ސަޕޯޓަރުންނަށް ނިއު ރޭޑިއަންޓުގެ ކޯޗު އަލީ ސުޒެއިން އުފާވެރި ހަބަރެއް ދެއްވައިފިއެވެ.

މެންދުރު ޓީވީގެ އެކްސްކުލޫސިވް ޕްރޮގްރާމުގައި ވާހަކަ ދައްކަވަމުން ކޯޗު ސުޒެއިން ވިދާޅުވީ އަޝްފާގު މިވަގުތު ކުޅުމާ ދުރުގައި ހުރީ އަނިޔާގެ ސަބަބުންކަމަށާއި އެކަމުން އަރައިގަތުމަށް އަޝްފާގުވެސް އަދި ނިއުގެ މެޑިކަލް ޓީމުންވެސް މަސައްކަތްތަކެއް ކުރަމުން އަންނަކަމަށެވެ. އެންމެ ފަހުން ބައިވެރިވި ނިއުގެ ޕްރެކްޓިސްގައިވެސް ދަނގަޑޭ ތަފާތު ދައްކާފައިވާކަމަށް ކޯޗު ސުޒެއިން ވިދާޅުވިއެވެ. ކޯޗު ވަނީ ނިއުގެ ސަޕޯޓަރުންނާއި އަޝްފާގުގެ ސަޕޯޓަރުންގެ އިތުރުން މުޅި ފުޓްބޯޅަ އާއިލާއަށް އުފާވެރި ހަބަރެއްގެ ގޮތުގައި އަންނަ ޖަނަވަރީމަހު ނިއުއިން ކުޅޭ ފުރަތަމަ މެޗުގައި ނިއުގެ ޖޯޒީގައި ގަލޮޅު ދަނޑުން އަޝްފާގުގެ ކުޅުން ފެނިގެންދާނެކަމުގެ ހަބަރު ދެއްވާފައެވެ.

Ad by Hajj Corporation

Ad by Hajj Corporation

" އޭނަގެ ފަރާތުން އެފެންނަ ހުނަރާއި، އޭނަ ރާއްޖޭގެ އެންމެ މޮޅު ކުޅުންތެރިޔާގެ މަގާމުގައި ހުރި ސަބަބުތައް ދައްކުވާދީފައިވޭ. އެހެންނަމަވެސް މިހާރު އަނެއްކާ ސާޖަރީއަށްފަހު ރިކަވާ ވަމުން އެދަނީ. އަދި ބޯޅައާއެކު ނުފަށާ. މި ބަލަނީ ޖަނަވަރީމަހު ނިއުއިން ކުޅޭ ފުރަތަމަ މެޗުން އަޝްފާގު ފެންނާނެކަމަށް". ނިއު ރޭޑިއަންޓުގެ ކޯޗު އަލީ ސުޒެއިން

މީގެ ހައެއްކަ އަހަރު ކުރީއްސުރެ އަޝްފާގު އަންނަނީ ކަކުލުގެ އަނިޔާއަކަށް ފަރުވާ ހޯދަމުންނެވެ. ދިރާގު ދިވެހި ޕްރިމިއާ ލީގުގައި ނިއު ކުޅުނު ފުރަތަމަ ދެ މެޗުގައި އޭނާ ބެންޗުން ވެސް ފެނުނެވެ. ނިއު އިން މަސައްކަތްކުރީ އިތުރު އޮޕަރޭޝަނެއް ނުކޮށް ނޮން-ސާޖިކަލީ ފިޓްވެ ކުޅެން ނެރެވޭތޯ އެވެ. އެކަމަކު އެކަން ކާމިޔާބުނުވުމުން މެނިސްކަސް އޮޕަރޭޝަންކުރީ އެވެ.

16 އަހަރުގައި 2001 ވަނަ އަހަރު ފުޓްބޯޅަ ކެރިއަރު ފެށި ދަގަނޑޭ ވަނީ ގައުމީ ޓީމާ އެކު 2008 ވަނަ އަހަރުގެ ސާފް ޗެމްޕިއަންޝިޕް ރާއްޖެއަށް ކާމިޔާބުކޮށްދީފައެވެ. ރާއްޖޭގެ އެންމެ މޮޅު ކުޅުންތެރިޔާގެ މަގާމާއި، ރަންބޫޓު ރެކޯޑް އަދަދަކަށް ހޯދައިފައިވާ ދަނގަޑޭގެ ލަނޑު ޖެހުމުގައި ނިސްބަތުން އޭނާގެ ރެކޯޑް އޮތީ ދުނިޔޭގެ އެންމެ މަޝްހޫރު ފޯވާޑުންނާ އެކު އެއް ލެވެލެއްގައިކަން ފާހަގަކޮށްލަންޖެހެއެވެ.

Ad by Hajj Corporation

Ad by Hajj Corporation

ކޮމެންޓް

ގުޅުންހުރި ލިޔުންތައް

ނިއުރޭޑިއަންޓް އާއި ވިކްޓްރީގެ ރަސްވާދައިގެ ފޯރިގަދަ މެޗު މާދަމާރޭކުޅިވަރު | ގަޑިއިރެއް ކުރިންއެފްއޭއެމް ވިމެންސް ލީގު ނިއުރޭޑިއަންޓުން ފެށީ ގަދަކޮށްކުޅިވަރު | 5 ދުވަސް ކުރިންމޯލްޑިވްސް އެކްޕޯގެ ބީޗް ހޭންޑްބޯޅަ މުބާރާތުގެ ޗެމްޕިއަންކަން ނިއުރޭޑިއަންޓް ހޯދައިފިކުޅިވަރު | 21 ދުވަސް ކުރިންމޯލްޑިވްސް އެކްސްޕޯ 2026 - ބީޗް ހޭންޑްބޯލް މުބާރާތުގެ ސެމީ ފައިނަލަށް ނިއުރޭޑިއަންޓް ދަތުރު ކޮށްފިކުޅިވަރު | 22 ދުވަސް ކުރިން