މޯލްޑިވްސް އެކްސްޕޯ 2026 ގެ ތެރެއިން ކުރިއަށްދިޔަ ބީޗް ހޭންޑްބޯޅަ މުބާރާތުގެ ޗެމްޕިއަންކަން ނިއުރޭޑިއަންޓް ސްޕޯޓްސް ކްލަބުން ހޯދައިފިއެވެ.

ނިއުރޭޑިއަންޓުން މި މުބާރާތުގެ ތަށި އުފުލައިލީ ފައިނަލް މެޗުގައި ބޮންތި ސްޕޯޓްސް ކްލަބާ ވާދަކޮށް 2-0 އިން މެޗު ކާމިޔާބުކޮށްގެންނެވެ. ފައިނަލް މެޗުގެ މޮޅު ކުޅުންތެރިޔާގެ މަގާމު ހޯދީ ނިއުރޭޑިއަންޓް ޓީމުގެ ޝާނީޒްއެވެ.

Ad by Hajj Corporation

ދެ ޑިވިޝަނަކަށް ބަހާލައިގެން ކުރިއަށްގެންދިޔަ މި މުބާރާތުގެ ފިރިހެން ޑިވިޝަނުގެ ސެމީ ފައިނަލަށް ނިއުރޭޑިއަންޓް ދަތުރުކުރީ ގްރޫޕް ސްޓޭޖުގައި ކުޅުނު ދެ މެޗުވެސް ކާމިޔާބުކޮށްގެންނެވެ. އަދި ސެމީ ފައިނަލް މެޗުގައި އެ ޓީމުން ވަނީ އެލް ސްޕޯޓްސް ކްލަބުގެ މައްޗަށް ކުރިހޯދައިފައެވެ.

ބިޒްނަސް ސެންޓަރ ކޯޕަރޭޝަން (ބީސީސީ) އިން އިންތިޒާމުކޮށްގެން މޯލްޑިވްސް އެކްސްޕޯގައި ކުރިއަށްގެންދިޔަ މި މުބާރާތަކީ އެއް ދުވަހުގެ މުއްދަތަށް ކުރިއަށްގެންދިޔަ މުބާރާތެކެވެ. މި މުބާރާތުގެ އަންހެން ޑިވިޝަންގެ ކުޅުންވެސް ކުރިއަށްގެންގޮސްފައިވަނީ ދެ ގްރޫޕަކަށް ބަހާލައިގެންނެވެ.