ސްކޭމް ހިންގިކަމުގެ ތުހުމަތުގައި ހައްޔަރުކުރި ޙަސަން އަޒުރާޙުގެ ބަންދުގެ މުއްދަތު އިތުރުކޮށްފި އެވެ

މި މައްސަލައިގެ ތުހުމަތުކުރެވޭ ހމ.ފްލެޓް ނަންބަރު 06-2-39 / މާލެ، ޙަސަން އަޒުރާޙު (39އ) 30 ދުވަހަށް ބަންދުކުރަން ކްރިމިނަލް ކޯޓުން އިއްޔެ ވަނީ އަމުރުކޮށްފަ އެވެ.

Ad by Hajj Corporation

އުމުރުން 39 އަހަރުގެ ހަސަން އަޒުރާހު ހައްޔަރުކޮށްފައި ވަނީ މި މަހުގެ 7 ވަނަ ދުވަހުއެވެ. އޭނާގެ މައްޗަށް ތުހުމަތު ކުރެވެނީ މީހެއްގެ ވައިބާ އެކައުންޓް ކޮމްޕްރޮމައިޒްކޮށް، އެ މީހާގެ ނަމުގައި މުއާމަލާތްކޮށްގެން އެކި ފަހަރު މަތިން ބޮޑެތި އަދަދުތަކުން ފައިސާ އަތުލާފައިވާ ކަމަށެވެ.

އިއްޔެ ބޭއްވި ބަންދުގެ މުއްދަތު އިތުރުކުރުމުގެ މަޖިލީހުގައި ފުލުހުން ހާމަކުރި ގޮތުގައި، އަޒުރާހަކީ ގިނަ ބައެއްގެ ސޯޝަލް މީޑިއާ އެކައުންޓްތައް ހެކްކޮށް، އެ ފަރާތްތަކުގެ ބޭންކް އެކައުންޓްތަކުން މަކަރާއި ހީލަތުން ފައިސާ ނަގަމުންދާ މީހެކެވެ. މިގޮތުން އޭނާއާ ގުޅުންހުރި މިފަދަ 27 މައްސަލައެއް މިހާރުވެސް ތަހުގީގު ކުރަމުންދާ ކަމަށް ފުލުހުން ބުނެފައިވެއެވެ.

މި މައްސަލައިގައި ހަސަން އަޒުރާހުގެ އިތުރުން އިތުރު ދެ މީހަކުވެސް ވަނީ ހައްޔަރުކޮށްފައެވެ. އެއީ މާލޭހިޔާ 1-16-03، އަހްމަދު ހައްސާން (33އ) އާއި ނ. މަނަދޫ، ވެށި، ހުސައިން ސަމާހު (33އ) އެވެ.

ފުލުހުން ދަނީ މި މައްސަލަ އިތުރަށް ތަހުގީގު ކުރަމުންނެވެ. މިފަދަ ސްކޭމްތަކުން ރައްކާތެރިވުމަށް ސޯޝަލް މީޑިއާ އެކައުންޓްތަކުގެ ސެކިއުރިޓީ ވަރުގަދަ ކުރުމަށް ކަމާބެހޭ އިދާރާތަކުން އަބަދުވެސް އިލްތިމާސް ކުރެއެވެ.