'ވަން ޗައިނާ ޕޮލިސީ'އަށް ދިވެހި ރާއްޖެ ތާއީދުކުރާނެކަމަށާއި މި ސިޔާސަތުގެ މަތީގައި ރާއްޖެ ދެމި އޮންނާނެކަމަށް ދިވެހި ސަރުކާރުން ބުނެފިއެވެ.

ހާރިޖިއްޔާއިން ނެރުނު ބަޔާނުގައިވަނީ ޓައިވާނަކީ ޗައިނާގ ބައެއްގެ ގޮތުގައި ބަލައިގަންނަކަން ހާމަކޮށްފައެވެ.

Ad by Hajj Corporation

1972 ވަނަ އަހަރު ޗައިނާއާ ދެމެދު ސިޔާސީ ގުޅުން ޤާއިމުކުރި ފަހުން މި ސިޔާސަތުގައި ރާއްޖެއިން ހިފަހައްޓަމުން އަންނަކަމަށާއި މިއީ ދިވެހިރާއްޖެއިން، ދައުލަތްތަކުގެ މިނިވަންކަމާއި، ސަރަޙައްދީ އެއްބައިވަންތަކަމާއި، އަދި އެއްބަޔަކު އަނެއްބަޔަކަށް އިޙްތިރާމްކުރުމުގެ މަތިވެރި އަސާސްތަކަށް ބޯލަނބާކަމުގެ ހެއްކެއްކަމަށް ބަޔާނުގައިވެއެވެ.

ބައެއް ފަރާތްތަކުން މި އަސާސްތައް ނަގާލައި، މިނިވަން ދައުލަތްތަކުގެ ދާޚިލީ ކަންކަމަށް ވަދެގަތުމަށް މަސައްކަތްކުރާ އަމަލުތަކާ މެދު ދިވެހިރާއްޖެއިން ކަންބޮޑުވުން ފާޅުކޮށްފައިވެއެވެ.

ދިވެހިރާއްޖެއިން ދެމި އޮންނާނީ، އިތުބާރާއި، ދެފަރާތަށް ލިބޭނެ ފައިދާއާއި، ސުލްޙަޔާއި ދެމެހެއްޓެނިވި ތަރައްޤީއަށް ހުރި އުންމީދުތަކުގެ މައްޗަށް ބިނާވެފައިވާ، ޗައިނާއާ އެކު އޮންނަ ދިގު ތާރީޚީ ގުޅުމާއި ރަޙްމަތްތެރިކަން އިތުރަށް ބަދަހިކުރުމުގައިކަމަށް ބަޔާނުގައިވެއެވެ.