ހައްޖު ކޯޕަރޭޝަންގެ އައު ވެބްސައިޓް ލޯންޗުކޮށް، އެ ވެބްސައިޓް ބޭނުން ކުރަން ފަށައިފިއެވެ.

އާންމުންނަށް ކޯޕަރޭޝަންގެ ހިދުމަތްތައް ލުއިފަސޭހަކޮށް ފޯރުކޮށްދެވޭ ގޮތަށް ފަރުމާކޮށްފައިވާ އައު ވެބްސައިޓުން އޮންލައިންކޮށް ހިދުމަތްތައް ލިބިގެންދާނެ ކަމަށް ހައްޖު ކޯޕަރޭޝަނުން މިއަދު ވަނީ ބުނެފައެވެ.

Ad by Hajj Corporation

މިގޮތުން ވެބުސަޓުގައިވާ ފަހެލި ޕޯޓަލް މެދުވެރިކޮއް ޚިދުމަތްތަކަށް ރަޖިސްޓަވުމާއި އޮންލައިންކޮށް ފައިސާ ދެއްކުމާއި، ފައިސާ ދެއްކިފައިވާ މިންވަރު ބަލައިލެވޭނެ ކަމަށްވެސް އެ ކޯޕަރޭޝަނުން މައުލޫމާތު ދެއެވެ. މީގެ އިތުރުން ޙައްޖު އުމްރާއާއި ގުޅޭ ގިނަ މައުލޫމާތުތަކެއް މި ސައިޓުން ލިބިގެންދާނެ ކަމަށްވެސް އެ ކޯޕަރޭޝަނުން ބުނެފައިވެއެވެ.

މިީގެ ކުރިން ހައްޖު ކޯޕަރޭޝަނުން ބޭނުންކުރީ އެމްއެޗްސީއެލް.އެމްވީ ނަމަވެސް އައު ވެބްސައިޓަށް ވަނުމަށް ބޭނުން ކުރާނީ ހައްޖު.އެމްވީއެވެ.
މި ވެބްސައިޓުން ޢުމްރާ އަދި އެހެނިހެން ޕެކޭޖް، އެންގުންތަކުގެ އިތުރުން ހައްޖު ކޯޕަރޭޝަންގެ އިވެންޓްތަކާ ބެހޭ އެންމެ ފަހުގެ އަދާހަމަ އަދި ފޮޓޯތައްވެސް ލިބިގެން ދާނެ ކަމަށްވެސް އެ ކޯޕަރޭޝަނުން ބުނެފަިވެއެވެ.

ޙައްޖު ކޯޕަރޭޝަނުން އަންނަނީ ކުންފުނީގެ ހިދުމަތްތަކުގެ ފެންވަރުމަތިކޮށް ފަސޭހަ ޚިދުމަތްތަކެއް ފޯރުކޮށްދިނުމަށް މަސައްކަތް ކުރަމުންނެވެ.