މި ފެށޭ ރަމަޟާންމަހުގެ ފަހު ފަނަރައިގައި ޢުމްރާއަށް ދިއުމަށް އިތުރު ފުރުޞަތުތަކެއް މޯލްޑިވްސް ޙައްޖު ކޯޕަރޭޝަނުން ހުޅުވާލައިފިއެވެ.

ރަމަޟާންމަހުގެ ފަހު ފަނަރައިގައި ޢުމްރާއަށް ދިއުމުގެ އިތުރު ފުރުޞަތުތަކެއް ހުޅަލީ، ރަމަޟާންމަހަކީ އަޅުކަމުގެ މަހަކަށްވެފައި، ޢުމްރާގެ މަތިވެރި އަޅުކަން އަދާކުރުމަށް ދިއުމަށް ގިނަ ބަޔަކު އެދެމުންދާތީއެވެ.

Ad by Hajj Corporation

ޙައްޖު ކޯޕަރޭޝަނުން އަހަރުގެ ޙައްޖު ދުވަސްތައް ފިޔަވައި އެހެން ހުރިހާ ދުވަސްވަރެއްގައިވެސް ޢުމްރާއަށް ދިއުމުގެ ފުރުޞަތު އޮވެއެވެ. ނަމަވެސް ރަމަޟާން އަދި ސްކޫލް ބަންދު ދުވަސްވަރަކީ ޢުމްރާއަށް ދިއުމަށް ވަރަށް ޑިމާންޑު ބޮޑު ދުވަސްތަކެކެވެ. ވުމާއެކު މިއަހަރުގެ ރަމަޟާންމަހުގައިވެސް މުޅި ރަމަޟާން ޢުމްރާ އަދި ފަހު ފަނަރައިގެ ޢުމްރާއަށް ދިއުމަށް ގިނަ ބަޔަކު އެދެމުންދާތީ، ޙައްޖުކޯޕަރޭޝަނުން މިހާރު ވަނީ ރަމަޟާންމަހުގެ ފަހު 15އިގެ ޢުމްރާއަށް ދިއުމަށް ރަޖިސްޓްރީވުމަށް ހުޅުވާލާފައެވެ.

މި ފުރުޞަތު ދިނުމަށް ނިންމާފައިވަނީ ވީ އެންމެ އަވަހަށް ރަޖިސްޓްރީވެ ފައިސާ ދައްކާ ފަރާތްތަކުގެ ތަރުތީބުންނެވެ. ޢުމްރާއަށް ދިއުމަށް ރަޖިސްޓްރީ ކުރެވޭނީ ޙައްޖު ކޯޕަރޭޝަންގެ ވެބްސައިޓް، Hajj.mv ގައިވާ ފަހެލި ޕޯޓަލުން ރަޖިސްޓްރީވެގެންނެވެ. އަދި ޢުމްރާއަށް ދިއުމަށް އެ ޕޯޓަލް މެދުވެރިކޮށް ފައިސާ ދެއްކޭނެއެވެ. އަދި ޙައްޖު ކޯޕަރޭޝަންގެ ކައުންޓަރުންވެސް ފައިސާ ބަލައިގަންނާނެއެވެ.