ޔަމަން ހަނގުރާމަ ހުއްޓުވުމަށްޓަކައި ސަޢޫދީ ޢަރަބިއްޔާއިން އިސްވެ ސުލްހައިގެ މަޝްވަރާތައް ބާއްވަން ނިންމި ނިންމުމަށް ރާއްޖެއިން މަރުހަބާ ކިޔައިފިއެވެ.

ހާރިޖީ ވުޒާރާއިން ނެރެފައިވާ ނޫސްބަޔާނެއްގައި ބުނެފައިވަނީ، ޔަމަނުގެ ކަންކަން ހިނގަމުންދާ ގޮތް ދިވެހި ސަރުކާރުން ވަރަށް ގާތުން ބަލަމުން ގެންދާ ކަމަށާއި، ބައިނަލްއަގްވާމީ ގޮތުން ޔަމަނުގެ ގާނޫނީ ސަރުކާރު ގާއިމުކުރުމަށް ދިވެހި ސަރުކާރުން އަބަދުވެސް އެއްބާރުލުން ދޭނެ ކަމަށެވެ.

Ad by Hajj Corporation

މަޝްވަރާގެ މަރުހަލާގެ ތެރެއިން ސިޔާސީ ހައްލެއް ހޯދުމަށްޓަކައި ފުޅާ ދާއިރާއެއްގައި ވާހަކަދެއްކުމަށް ޔަމަނުގެ ޕްރެޒިޑެންޝަލް ލީޑާޝިޕް ކައުންސިލުން ވަނީ ގޮވާލާފައެވެ.

އެގޮތުން ޔަމަނުގެ ސަލާމަތާއި ހަމަޖެހުމަށް ދޭ އަހައްމިއްޔަތު ކަށަވަރުކޮށްދީ، މަޝްވަރާއާއި ޑިޕްލޮމަސީގެ ޒަރީއާއިން ސުލްހަވެރި ހައްލެއް ހޯދުމަށް ބާރުއެޅުމުގެ ގޮތުން، ސަޢޫދީގެ ރިޔާދުގައި ކޮންފަރެންސް ބޭއްވުމަށް ސަޢޫދީ އަރަބިއްޔާއިން އިސްނަގައިގެން ކުރިއަށްގެންދާ މަސައްކަތަށް ވެސް، ރާއްޖޭން އިން މަރުހަބާ ކިޔާ ކަަމަށް ބަޔާނުގައި ބުނެފައި ވެއެވެ.

ޔަމަންގައި ހޫތީންގެ ބާރު ގަދަ ނަމަވެސް ޔަމަންގެ ކަނޑުގެ ސަރަހައްދާއި ވައިގެ ސަރަހައްދު ކޮންޓްރޯލް ކުރަމުން ގެންދަނީ ސަޢޫދީ އަރަބިއްޔާގެ އަސްކަރީ ކޯލިޝަނުންނެވެ.