އިސްރާއީލާ ލުބުނާނާ ދެމެދު ވަގުތީ ގޮތުން ހަމަލާތައް ހުއްޓާލުމުން ދިވެހި ސަުކާރުން މަރުހަބާ ކިޔައިފިއެވެ.

ދިވެހި ޚާރިޖީ ވުޒާރާއިން ނެރުނު ބަޔާނެއްގައި ބުނީ މިއީ ސަރަހައްދުގައި އުފެދިފައިވާ ނުތަނަވަސްކަން ކުޑަކުރުމަށް އެޅުނު ފިޔަވަޅެއް ކަމަށް ދެކޭ ކަމަށެވެ.

ހަނގުރާމަ ވަގުތީ ގޮތުން ހުއްޓާލުމުގައި އެމެރިކާއިން އަދާކުރީ މުހިންމު ދައުރެއް ކަމަށްވެސް ރާއްޖޭގެ ސަރުކާރުގެ ފަރާތުން ބަޔާނުގައި ބުނެފައިވެއެވެ.

ދިވެހި ސަރުކާރުގެ ބަޔާނުގައި ބުނީ ސަރަޙައްދީ ސުލްހަ މަސަލަސްކަމާއި ހަމަޖެހުން ގާއިމުކުރުމަށް ބައިނަލްއަގުވާމީ މުޖުތަމައުން ކުރަމުންދާ މަސައްކަތްތަކަށް ދިވެހިރާއްޖޭގެ ސަރުކާރުން ތާއީދުކުރާ ކަމަށެވެ.

ލުބުނާއި އިސްރާއީލާ ދެމެދު ހަމަލާތައް ބަދަލުކުރުން ހުއްޓާލީ 10 ދުވަހަށެވެ. ލުބުނާންގެ ހަނގުރާމަވެރި ޖަމާއަތް -- ހިޒްބުﷲ އާއި އިސްރާއީލާ ދެމެދު ފާއިތުވި ހަ ހަފުތާގައި ހިނގި ހަމަލާތަކުގައި ލުބުނާންގެ 2،100 އަށްވުރެ ގިނަ މީހުން ޝަހީދުކޮށްލާފައިވެއެވެ.

Ad by Hajj Corporation