އިނގިރޭސި ޕްރިމިއާ ލީގުގައި ބުދަ ދުވަހުގެ ރޭ މެންޗެސްޓަރ ޔުނައިޓެޑާއި ބާންލީ ބައްދަލުކުރި މެޗު 2-2 އިން އެއްވަރުވެ، ޔުނައިޓެޑަށް މާޔޫސްކަމާ ކުރިމަތިލާން ޖެހިއްޖެއެވެ. މި މެޗަކީ ރޫބެން އަމޯރިމް ވަކިވުމަށްފަހު ވަގުތީ ކޯޗު ފްލެޗަރ ގެ އިރުޝާދުގެ ދަށުން ޔުނައިޓެޑުން ކުޅުނު ފުރަތަމަ މެޗެވެ.

މިމެޗުގައި ޔުނައިޓެޑްގެ ދެ ލަނޑުވެސް ކާމިޔާބުކޮށްދިނީ ބެންޖަމިން ސެސްކޯއެވެ. ނަމަވެސް ތާވަލުގެ ފުލުގައި އޮތް ބާންލީން ވަނީ ހިތްވަރާއެކު ކުޅެ ޔުނައިޓެޑް ހިފަހައްޓާފައެވެ.

Ad by Hajj Corporation

މި މެޗުން މޮޅުވިނަމަ ޔުނައިޓެޑަށް ތާވަލުގެ ހަތަރުވަނައަށް އެރުމުގެ ފުރުސަތު އޮތެވެ. ނަމަވެސް އެއްވަރުވުމުން އެ ޓީމު މިހާރު އޮތީ 32 ޕޮއިންޓާއެކު ތާވަލުގެ ހަވަނަ މަގާމުގައެވެ. އަނެއްކޮޅުން ބާންލީ އޮތީ ތާވަލުގެ 19 ވަނައިގައެވެ. ރެލިގޭޝަނުން ސަލާމަތްވުމަށް އެ ޓީމަށް އަދި އަށް ޕޮއިންޓް ބޭނުންވެއެވެ.