logo
Bank of Maldives

Bank of Maldives

ޚަބަރު

ޔޫއޭއީ އާއެކު ގުޅުން ބަދަހިކުރުމަށް މިނިސްޓަރު ޠާރިޤް މަޝްވަރާކުރައްވައިފި

މުޙައްމަދު އަފްރާޙް
10 ޖެނުއަރީ 2026 - 14:44
މިނިސްޓަރު ޠާރިޤް ޔޫ.އޭ.އީގެ މަންދޫބާ  ބައްދަލުކުރެއްވުން
މިނިސްޓަރު ޠާރިޤް ޔޫ.އޭ.އީގެ މަންދޫބާ ބައްދަލުކުރެއްވުން

އިންޓަރނޭޝަނަލް ރިނިއުވަބަލް އެނާޖީ އެޖެންސީ (އައިރީނާ) ގެ 16 ވަނަ އެސެމްބްލީގެ ހަވާސާގައި، މިނިސްޓަރ އޮފް ޓޫރިޒަމް އެންޑް އެންވަޔަރަމަންޓް ޠާރިޤް އިބްރާހީމް، ޔޫނައިޓެޑް އެރަބް އެމިރޭޓްސް (ޔޫ.އޭ.އީ) އިން އައިރީނާއަށް ކަނޑައަޅުއްވާފައި ހުންނަވާ ދާއިމީ މަންދޫބު ނަވާލް އަލް-ހޮސަނީއާ ބައްދަލުކުރައްވައިފިއެވެ.

މި ބައްދަލުވުމުގައި ދެ ބޭފުޅުން ވަނީ ދެމެހެއްޓެނިވި ހަކަތައިގެ ދާއިރާއިން ގުޅުން ބަދަހިކުރުމާ ގުޅޭގޮތުން ވަރަށް ބިނާކުރުވަނިވި މަޝްވަރާތަކެއް ބާއްވަވާފައެވެ. ޚާއްޞަކޮށް، އިއާދަކުރަނިވި ހަކަތައިގެ އައު އީޖާދުތަކާއި، ހަކަތައިގެ ރައްކާތެރިކަން ކަށަވަރުކުރުމަށްޓަކައި ދެ ފަރާތުގެ މެދުގައި އޮތް އެއްބާރުލުން އިތުރަށް ހަރުދަނާކުރުމާ ގުޅޭގޮތުން ފުޅާ ދާއިރާއެއްގައި ވާހަކަދެކެވުނެވެ.

Ad by Hajj Corporation

Ad by Hajj Corporation

މި މަޝްވަރާތަކަކީ ރާއްޖެއާއި ޔޫ.އޭ.އީއާ ދެމެދު އޮތް ގުޅުން އިތުރަށް ވަރުގަދަވެ، ތިމާވެށްޓާއި ހަކަތައިގެ ދާއިރާއިން ކުރަމުންދާ މަސައްކަތްތައް އަވަސްވެގެންދާނެ ކަމުގެ މުހިންމު ނިޝާނެކެވެ. ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ތިމާވެށި ރައްކާތެރިކުރުމަށާއި، އިއާދަކުރަނިވި ހަކަތައަށް ބަދަލުވުމަށް ގެންގުޅުއްވާ ހަރުދަނާ ސިޔާސަތުގެ ދަށުން، މިފަދަ ބައިނަލްއަޤުވާމީ ބައްދަލުވުންތަކުގެ ސަބަބުން ރާއްޖެއަށް ބޭނުންވާ ފަންނީ އަދި މާލީ އެހީތެރިކަން ހޯދުމަށް މަގުފަހިވެގެންދާނެއެވެ.

އައިރީނާގެ މިފަހަރުގެ އެސެމްބްލީގައި ދުނިޔޭގެ އެކި ޤައުމުތަކުގެ އިސްވެރިން ބައިވެރިވެވަޑައިގަންނަވާއިރު، ރާއްޖެއިން ދަނީ ދެމެހެއްޓެނިވި ތަރައްޤީއަށް ކުރާ މަސައްކަތުގައި ބައިނަލްއަޤުވާމީ ބައިވެރިންނާއެކު ގާތްގުޅުމެއް ބާއްވަމުންނެވެ.

Bank of Maldives

Bank of Maldives

ކޮމެންޓް

ގުޅުންހުރި ލިޔުންތައް

ޔޫއޭއީ އާއެކު ގުޅުން ބަދަހިކުރުމަށް މިނިސްޓަރު ޠާރިޤް މަޝްވަރާކުރައްވައިފިޚަބަރު | 15 ގަޑިއިރު ކުރިންއެކުއަޓިކް ބަޔޯ ސެކިއުރިޓީ އާ ގުޅޭ 2 ދުވަހުގެ ތަމްރީން ޕްރޮގްރާމެއް ފަށައިފިޚަބަރު | 4 ދުވަސް ކުރިންއެއް އަހަރުތެރޭ އިއާދަކުރަނިވި ހަކަތަ އުފައްދާ މިންވަރު 53 މެގަވޮޓުން 70 މެގަވޮޓަށް އިތުރުވެއްޖެ-މިނިސްޓަރ ތޯރިގްޚަބަރު | އަހަރެއް ކުރިންޚާރިޖީ ވަޒީރުގެ ޔޫއޭއީއަށް ކުރެއްވި ދަތުރުފުޅު ނިންމަވާލައްވައިފިޚަބަރު | އަހަރެއް ކުރިން