މޯލްޑިވްސް ހައްޖު ކޯޕަރޭޝަން ހަވާލުގައި އުމްރާއަށް ދިޔަ އުމްރާވެރިން ރާއްޖެ އަންނަން ފަށައިފިއެވެ.

އެ ކޯޕަރޭޝަނުން މައުލޫމާތު ދޭ ގޮތުގައި، އުމްރާވެރިންގެ ފުރަތަމަ ފްލައިޓް ރާއްޖެ އައިސްފައި ވަނީ ރޭ 23:30 ގައެވެ. ރޭގައި ރާއްޖެ އައިސްފައިވަނީ 233 އުމްރާވެރިން ކަމަށާއި އަދި އެންމެންގެ ހާލު ވެސް ރަނގަޅު ކަމަށްެ އެ ކޯޕަރޭޝަނުން ބުނެފައިވެއެވެ.

Ad by Hajj Corporation

މިރޭ 10:05 ގައި ދެވަނަ ފްލައިޓްގައި 130 އުމްރާވެރިން އައުމަށް ހަމަޖެހިފައިވާއިރު، ބާކީ ތިބި އުމްރާވެރިންނާއެކު ތިން ވަނަ ފްލައިޓް މާދަމާގެ ވަގުތެއްގައި އައުމަށް ވަނީ ހަމަޖެހިފައެވެ.

ހައްޖު ކޯޕަރޭޝަން ހަވާލުގައި މިދިޔަ އަހަރުގެ ޑިސެމްބަރު މަހު އުމްރާއަށް 569 މީހުން ވަނީ ގޮސްފައެވެ. މިއަހަރުގެ އެންމެ ފުރަތަމަ އުމްރާއަށް ދިއުމަށް ހަމަޖެހިފައިވާ ގްރޫޕް ފުރާފައި ވަނީ ޑީސެމްބަރު މަހުގެ 21 ވަނަ ދުވަހުއެވެ. އެ ދުވަހު 262 އުމްރާވެރިން ވަނީ ފުރާފައެވެ.

މި ޗުއްޓީގައި ހަތް ހާހަށް ވުރެ ގިނަ ދިވެހީން އުމްރާގެ އަޅުކަން އަދާކުރަން ސައުދީއަށް ގޮސްފައިވެއެވެ.