ސޯޝަލް މީޑިއާގައި މަޝްހޫރުވި ގއ. ވިލިނގިލި، ޕިންކްރޯސް، އަލީ ރަޝީދު (މަސްވެރި އަލިބެ) ކުއްލި ގޮތަކަށް ނިޔާވެއްޖެއެވެ.

އޭނާ ނިޔާވިއިރު މަސައްކަތް ކުރަމުން ދިޔައީ ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) ގެ ގއ. ވިލިނގިލީ ސައިޓުގެ މުވައްޒަފެއްގެ ގޮތުގައެވެ.

Ad by Hajj Corporation

އަލީ ރަޝީދުގެ ވަކިވުމާ ގުޅިގެން އާރުޑީސީން ނެރުނު ބަޔާނެއްގައި ބުނެފައިވަނީ، އޭނާ ނިޔާވުމަކީ އެ ކޯޕަރޭޝަނަށާއި، ވަކިން ހާއްސަކޮށް ވިލިނގިލީ ސައިޓުގައި މަސައްކަތް ކުރަމުންދާ މުވައްޒަފުންނަށް ލިބުނު ނުހަނު ފުން ހިތާމައެއް ކަމަށެވެ.

އާރުޑީސީން އޭނާ ސިފަކޮށްފައިވަނީ އެކުގައި މަސައްކަތްކުރި އެންމެނާ ގުޅޭ، އެކުވެރި އަދި މަސައްކަތްތެރި މުވައްޒަފެއްގެ ގޮތުގައެވެ.

މި ހިތާމަވެރި ވަގުތުގައި އާރުޑީސީން ވަނީ މަރުޙޫމުގެ އާއިލާއަށް ކެތްތެރިކަން ދެއްވައި، މަރުޙޫމްގެ ފުރާނައަށް ސުވަރުގޭގެ މަތިވެރި ނިއުމަތް މިންވަރު ކުރެއްވުމަށް އެދި ދުއާކޮށްފައެވެ.