ދިހަ ކިލޯއާއި 15 ކިލޯއާ ދެމެދުގެ ކަންނެލި 20 ރުފިޔާއަށް ސަރުކާރުގެ މަސް ކުންފުނި، މިފްކޯއަށް ގަންނަން ފަށައިފިއެވެ.

މިފްކޯގެ ސީއީއޯ ފަރުހަތު ޝަހީރު ނެރުނު ބަޔާނެއްގައި ބުނެފައި ވަނީ، އެ ކުންފުނީގެ ސެންޓަރުތަކާއި ބޯޓުތަކަށް ބޮޑު ކަންނެލި ގަންނަ އަގަށް ބަދަލުތަކެއް ގެނެސްފައި ވާ ކަމަށެވެ.

Ad by Hajj Corporation

މިގޮތުން، ކޫއްޑޫއާއި އައްޑޫގެ އިތުރަށް ފެލިވަރު ފިޝަރީސް ކޮމްޕްލެކްޝްއަށް ފޮނުއްވި އެ ބަޔާނުގައި ވަނީ، 10 ކިލޯއާއި 15 ކިލޯއާ ދެމެދުގެ ކަންނެލި ގަންނާނީ 20 ރުފިޔާއަށް ކަމަށް ބުނެފައެވެ. އަދި، 15 ކިލޯއިން މަތީގެ ކަންނެލި 25 ރުފިޔާއަށް ގަތުމަށް ވަނީ އަންގާފައެވެ.

ބޮޑު ކަންނެލި މަސްވެރިން މައިގަނޑު ގޮތެއްގައި އެދެނީ ސަރުކާރުގެ މަސްކުންފުނި މިފްކޯއަށް ބޮޑު ކަންނެލި ގަންނަން ފެށުމަށާއި، ކަންނެލި ގަނެވޭނެ އެންމެ ދަށް އަގަކީ 80 ރުފިޔާ އަދި 100 ރުފިޔާ ކަމަށް ހެދުމަށާއި، މަސްވެރިންނަށް ބޭސް ރޭޓުގައި ތެޔޮ ފޯރުކޮށްދިނުމަށާއި، ފަސޭހައިން އައިސް ލިބޭނޭ އިންތިޒާމު ހަމަޖެއްސުމަށެވެ.

ފިޝަރީސް މިނިސްޓަރ އަހްމަދު ޝިޔާމް އާ އެކު، 20 މަސްވެރިއަކު ވަނީ ބައްދަލުމެއް ބާއްވާފައެވެ. އޭރު ޑިމާންޑުތަކަށް އުންމީދީ ޖަވާބެއް ލިބުނު ކަމަށް މަސްވެރިން ވަނީ ބުނެފައެވެ.