ބ. އަތޮޅު 2 ރަށެއްގެ ސިއްހީ މަރުކަޒުތަކުގެ އަލަށް އިތުރުކުރާ އިމާރާތުގެ މަސައްކަތް ހަވާލުކޮށްފިއެވެ.

މިކަމަށްޓަކާ ބޭއްވި ރަސްމިއްޔާތެއްގައި މި މަސައްކަތް ހަވާލުކޮށްފައިވަނީ ލައިކޯ ކޮންސްޓްރަކްޝަން ކޮމްޕެނީ ޕްރައިވެޓް ލިމިޓެޑާއެވެ. ގޮއިދޫ ސިއްހީ މަރުކަޒުގެ މަސައްކަތުގެ އެއްބަސްވުމުގައި މިނިސްޓްރީގެ ފަރާތުން ސޮއިކުރެއްވީ ހެލްތު މިނިސްޓްރީގެ ސްޓޭޓް މިނިސްޓަރ މުޙައްމަދު މާހިރުއެވެ. އެ ކުންފުނީގެ ފަރާތުން ސޮއި ކުރެއްވީ ޑިރެކްޓަރ އިބްރާހިމް ލަޔާން ރިޔާޒް އެވެ.

Ad by Hajj Corporation

ކޮންމެ ރަށެއްގެ މަސައްކަތް ވެސް 480 ދުވަހުގެ ތެރޭގައި ނިންމަންޖެހޭއިރު، ގޮއިދޫ ސިއްހީ މަރުކަޒުގެ މަސައްކަތުގެ އަގަކީ 8.2 މިލިއަން ރުފިޔާއެވެ.

ފެހެންދޫ ޞިއްޙީމަރުކަޒުގައި އަލަށް އިތުރުކުރެވޭ ޢިމާރާތުގެ މަސައްކަތް ހަވާލުކުރުމުގެ އެއްބަސްވުމުގައި މިނިސްޓްރީގެ ފަރާތުން މިނިސްޓަރ އޮފް ސްޓޭޓް ފޯ ހެލްތު އިސްމާޢިލް ޝަރީފް ސޮއި ކުރެއްވިއިރު، ލައިކޯ ކޮންސްޓްރަކްޝަން ކޮމްޕެނީ ޕްރައިވެޓް ލިމިޓެޑްގެ ފަރާތުން ސޮއިކުރެއްވީ ކުންފުނީގެ ޑިރެކްޓަރ، އިބްރާހިމް ލަޔާން ރިޔާޒްއެވެ.

ފެހެންދޫ ސިއްހީ މަރުކަޒުގެ މަސައްކަތުގެ އަގަކީ 6.7 މިލިއަން ރުފިޔާއެވެ.

މި އެއްބަސްވުންތަކުގައި ސޮއިކުރެއްވިއިރު، ރައްޔިތުންގެ މަޖިލީހުގެ ތުޅާދޫ ދާޢިރާގެ މެމްބަރ ޢަބްދުލްޙަންނާން އަބޫބަކުރު ބައިވެރިވެވަޑައިގެންނެވިއެވެ.