ވަގަކު އަތުން ހޯދާފައިވާ ވަޅޯމަސްތަކަކާއި ބަށިތަކެއްގެ ވެރިފަރާތް ހޯދުމުގެ މަސައްކަތް އައްޑޫ ސިޓީގެ ފުލުހުން ފަށައިފިއެވެ.

މި ތަކެއްޗަކީ ފުލުހުން ހިންގި އޮޕަރޭޝަނެއްގެ ތެރެއިން ހޯދާފައިވާ ތަކެއްޗެވެ.

Ad by Hajj Corporation

އައްޑޫ ސިޓީ ޕޮލިހުން މައުލޫމާތު ދޭ ގޮތުގައި، މި ތަކެތި ފެނިފައިވަނީ 2026 ޖެނުއަރީ 19 ވަނަ ދުވަހު ގަން ޕޮލިސްގެ ފުލުހުން ސ. ފޭދޫ އިން ހިފެހެއްޓި މީހެއްގެ އަތުންނެވެ. އެ މީހާ ހިފެހެއްޓި ވަގުތު އޭނާގެ އަތުގައި ވަގަށް ނަގާފައިވާ ކަމަށް ބެލެވޭ ގިނަ އަދަދެއްގެ ވަޅޯމަހާއި ބަށި ހުރި ކަމަށް ފުލުހުން ބުނެއެވެ.

ފުލުހުން ވަނީ މި ތަކެތީގެ ވެރިފަރާތުން ލަސްނުކޮށް ގަން ޕޮލިސް ސްޓޭޝަނާ ގުޅުމަށް އިލްތިމާސްކޮށްފައެވެ. އެގޮތުން ތަކެތީގެ ވެރިފަރާތުން ގަން ޕޮލިސްގެ ނަމްބަރު 125 އަށް ގުޅުއްވައި، ތަކެއްޗާ ހަވާލުވުމަށް ފުލުހުން އެދެއެވެ.

މި މައްސަލައާ ގުޅިގެން ހިފެހެއްޓި މީހާއާ ބެހޭ އިތުރު ތަފްސީލެއް ފުލުހުން އަދި ހާމަކޮށްފައެއް ނުވެއެވެ. ނަމަވެސް މިފަދަ ވައްކަމުގެ މައްސަލަތައް ހުއްޓުވުމަށް ފުލުހުން ދަނީ އައްޑޫ ސިޓީގައި ހާއްސަ މަސައްކަތްތަކެއް ކުރަމުންނެވެ.