ޢުމްރާގެ އަޅުކަން އަދާކުރުމަށް ސައުދީ އަރަބިއްޔާގެ މައްކާއަށް ގޮސްހުރި ދިވެއްސަކު ނިޔާވެއްޖެއެވެ.

ނިޔާވެފައިވަނީ ހދ. ވައިކަރަދޫ، މުޙައްމަދު ޙަސަން (86އ) އެވެ. އޭނާ ނިޔާވެފައިވަނީ މައްކާގެ އަލް ނޫރު ސްޕެޝަލިސްޓް ހޮސްޕިޓަލުގައި ފަރުވާދެމުން ދަނިކޮށެވެ.

Ad by Hajj Corporation

މަޢުލޫމާތު ލިބިފައިވާ ގޮތުގައި، މުޙައްމަދު ޙަސަންގެ ބަލިހާލަތު ހުރިގޮތުން އޭނާ އެ ހޮސްޕިޓަލުގައި އެޑްމިޓްކޮށްގެން ފަރުވާދޭން ފަށާފައިވަނީ މި ހިނގާ މަހުގެ 17 ވަނަ ދުވަހުއެވެ. އޭނާ ޢުމްރާގެ އަޅުކަމަށް ރާއްޖެއިން ފުރާފައިވަނީ މި މަހުގެ 9 ވަނަ ދުވަހު، ޤިބްލަ ޙައްޖު އެންޑް ޢުމްރާ ގްރޫޕުގެ ހަވާލުގައެވެ.

މި ޗުއްޓީގައި ހަތް ހާހަށް ވުރެ ގިނަ ދިވެހީން އުމްރާގެ އަޅުކަން އަދާކުރަން ސައުދީއަށް ގޮސްފައިވެއެވެ.

މިއީ ރާއްޖެއިން ޑިސެންބަރު އަދި ޖަނަވަރީ އުމްރާއަށް ގޮސް އުޅޭ މީހުންގެ ތެރެއިން މައްކާގައި ނިޔާވި 3 ވަނަ މީހާކަން ފާހަގަކޮށްލެވެއެވެ.