ދިރާސީ އައު އަހަރު ފެށުމާ ގުޅިގެން، ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދު، މި އަހަރަކީ ހުރިހާ ދަރިވަރުންނަށްވެސް ފާގަތި އަހަރަކަށްވުން އެދިވަޑައިގެންފިއެވެ.

ދިރާސީ އައު އަހަރު ފެށުމުގެ މުނާސަބަތުގައި މީސް މީޑިއާގައި ކުރެއްވި ޕޯސްޓެއްގައި، ރައީސްގެ އަނބިކަނބަލުން ވަނީ، ކޮންމެ ކިޔަވާ ކުއްޖަކަށްވެސް މިއީ ފާގަތި، ބާއްޖަވެރި އަހަރަކަށް ވުން އެދި ހެޔޮ ދުޢާކުރެއްވުމާއެކު، ދިރާސީ އައު އަހަރުގެ ހެޔޮ އެދުމާއި ތަހުނިޔާ ދަރިވަރުންނާއި ބެލެނިވެރިންނާއި ތަޢުލީމީ ދާއިރާގެ އެދުރުންނާއި ހިންގުންތެރިންނާއި އެހީތެރިންނަށް އަރިސްކުރައްވާފައެވެ.

Ad by Hajj Corporation

މީގެ ހަރަތު އަހަރު ކުރިން، ކޮވިޑުގެ ޢާލަމީ ވަބާއާ ގުޅިގެން ދިރާސީ އަހަރުގެ ކިޔެވުން އަހަރުގެ މެދުތެރޭގައި ފަށާގޮތަށް އޮތް އޮތުން ބަދަލުކުރުމަށްފަހު މިއަދު ވަނީ، ފުރަތަމަ ފަހަރަށް ޖަނަވަރީ މަހުގައި ދިރާސީ އަހަރުގެ ކިޔެވުން ފަށާފައެވެ.

މިއަހަރުގެ ދިރާސީ އަހަރުގެ ކިޔެވުން ފަށާއިރު ސަރުކާރުގެ 218 އެއްހާ ސްކޫލްގައި 77،000 އަށް ވުރެ ގިނަ ދަރިވަރުން ތަޢުލީމު ހާސިލްކުރަމުން ދާނެކަމަށް ތަޢުލީމީ ވުޒާރާއިން ބުނެއެވެ.