އަށްހާހަށްވުރެ ގިނަ ދަރިވަރުންނާއެކު 2025 ވަނަ އަހަރުގެ އެސްއެސްސީ އަދި އޯލެވެލް އިމްތިހާން މިއަދު ފަށައިފިއެވެ.

އިމްތިހާން ފެށީ މިއަދު ހެނދުނު 9:30 ގައެވެ. މި އިމްތިހާނު މިއަދުން ފެށިގެން މާރިޗް ހަ ވަނަ ވަނަ ދުވަހުގެ ނިޔަލަށް ކުރިއަށް ދާނެއެވެ. އޯލެވެލް އިމްތިހާނު ފަށާފައިވަނީ އެސްއެސްސީ އިމްތިހާނުގެ ދިވެހި މާއްދާގެ ޕޭޕަރު އެކަކުންނެވެ.

Ad by Hajj Corporation

މި އިމްތިހާންތަކުގައި 8,216 ދަރިވަރުން ބައިވެރިވާނެ ކަމަށާއި މާލޭގެ 21 ސެންޓަރަކާއި، އަތޮޅު ތެރޭގެ 246 ސެންޓަރެއްގައި އިމްތިހާން ކުރިއަށްދާނެ ކަމަށް ތައުލީމާ ބެހޭ ވުޒާރާއިން މައުލޫމާތު ދެއެވެ.

މިއީ މިދިޔަ އަހަރުގެ ގްރޭޑް 10 ނިންމި ދަރިވަރުންގެ އޯ ލެވެލް އިމްތިހާނެވެ. މިހާރު ގްރޭޑް 10 ކިޔަވަމުންދާ ދަރިވަރުންގެ އޯލެވެލް އިމްތިހާނު އޮންނާނީ އޮކްޓޫބަރު/ ނޮވެމްބަރުގައެވެ.

މި އަހަރުން ފެށިގެން އޯލެވެލް އިމްތިހާނުތައް ބާއްވާނީ ކޮންމެ އަހަރެއްގެ ވެސް އޮކްޓޫބަރު/ނޮވެމްބަރުގައެވެ.