ވެރިކަން ކުރާ ޕާޓީ - ޕީއެންސީގެ ރަޖިސްޓްރާއަކަށް މުޙައްމަދު ޝަކީލް ހަމަޖައްސައިފިއެވެ.

މޯލްޑިވްސް ހައްޖު ކޯޕަރޭޝަން ލިމިޓެޑުގެ މެނޭޖިން ޑިރެކްޓަރުގެ މަގާމުވެސް ފުރުއްވަމުން ގެންދަވާ މުހައްމަދު ޝަކީލް އެ މަގާމަށް އައްޔަންކުރެއްވިއިރު، އޭނާގެ ޑެޕިއުޓީއަކަށް އައްޔަންކޮށްފައިވަނީ އަޙުމަދު ހަމްދާން ނާސިރެވެ.

Ad by Hajj Corporation

މީގެ އިތުރުން ޕީޕަލްސް ނޭޝަނަލް ކޮންގްރެސް (ޕީއެންސީ)ގެ ޔޫތު ވިންގުގެ ހިންގާ ކޮމިޓީވެސް ރަސްމީކޮށް ވަނީ އިންތިޚާބުކޮށްފައެވެ.

މި އިންތިހާބުގައި ޕީއެންސީގެ ޔޫތު ވިންގުގެ ރައީސަކަށް ހޮވިފައިވަނީ ހަނާން މުހައްމަދު ރަޝީދެވެ. ހަނާންއާއެކު މި ކޮމިޓީގައި ޖުމްލަ 15 މެންބަރުން ތިއްބޭނެއެވެ. މި ކޮމިޓީގައި ފަސް އަންހެން މެންބަރުން ވެސް ހިމެނެއެވެ.

ޕީއެންސީގެ ޔޫތު ވިންގުގެ ހިންގާ ކޮމިޓީގެ މެންބަރުންނަކީ:

1. ހަނާން މުހައްމަދު ރަޝީދު (ރައީސް)
2. މުހައްމަދު ފިރުޒުލް އަބްދުﷲ ހަލީލު
3. މުހައްމަދު ޔައީޝް އިސްމާއީލް
4. މުހައްމަދު އަލްސަން އަހުމަދު
5. އިބްރާހީމް އަބާން އަބްދުއްލަތީފް
6. އިފްނާން އަބްދުﷲ
7. އަލީ ހަސީން
8. މަލްޝާ ޝަރީފް
9. ލުޖައިނުﷲ ޒުހައިރު
10. ހަސަން ޝަހީދު
11. ފާތުމަތު ޝައުފާ ސަލީމް
12. އާމިނަތު ރަނާ ހުސައިން ޝިހާމް
13. ހިންދު ތައުފީގް
14. އާމިނަތު ޝަޖަން

ޒުވާނުންނަކީ ޕާޓީގެ އެންމެ ބޮޑު ރައުސްމާލުކަން ފާހަގަކޮށް، އަލަށް އިންތިހާބުވި ކޮމިޓީގެ މެންބަރުންނަށް ޕީއެންސީގެ ލީޑަޝިޕުން ވަނީ ހޫނު މަރުހަބާއެއް ދަންނަވާފައެވެ.

ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ސަރުކާރުން ޒުވާނުން ބާރުވެރިކުރުވުމަށާއި، ސިޔާސީ މައިދާނުގައި ޒުވާނުންގެ ދައުރު ފުޅާކުރުމަށް ބޮޑު އިސްކަމެއް ދެއްވާއިރު، މި ކޮމިޓީގެ ސަބަބުން ޕާޓީގެ ހަރަކާތްތަކަށް އިތުރު ދިރުމެއް ލިބިގެންދާނެ ކަމަށް އެ ޕާޓީން ދެކެއެވެ.

ޕީއެންސީން މަސައްކަތް ކުރަމުންދަނީ ޕާޓީގެ އެތެރޭގެ ހިންގުން ހަރުދަނާކޮށް، ކުރިއަށް އޮތް ތަނުގައި ޒުވާނުންނަށް ހާއްސަ ގިނަ ހަރަކާތްތަކެއް ހިންގުމަށެވެ. މިގޮތުން ޕާޓީގެ ސިޔާސީ މަސައްކަތްތަކުގައާއި ސަރުކާރުގެ ސިޔާސަތުތައް ރައްޔިތުންނަށް ފޯރުކޮށްދިނުމުގައި ޒުވާނުންގެ މި އާ ކޮމިޓީން އިސް ދައުރެއް އަދާކުރާނެ ކަމަށް އެ ޕާޓީން އުންމީދު ކުރެއެވެ.

ޕީއެންސީގެ އެކި ގޮފިތައް ހަރުދަނާކުރުމަކީ ރައީސް މުއިއްޒު ދެއްވާ އިރުޝާދެއްގެ މަތިން ކުރިއަށްދާ މަސައްކަތްތަކެކެވެ.