އަދާލަތު ޕާޓީ (އޭޕީ)ގެ ހަތަރު ވަނަ ދައުރުގެ ރައީސަކަށް، އެ ޕާޓީގެ ނައިބް ރައީސް ކަމުގެ މަގާމުގައި ހުންނެވި ޝައިޚް މުހައްމަދު ޝިފާން އިންތިޚާބުވެއްޖެއެވެ.

މިއަދު ހެނދުނުން ފެށިގެން މިރޭ 20:00 ގެ ނިޔަލަށް އޮންލައިންކޮށް ފަހި ވޯޓު މެދުވެރިކޮށް ކުރިއަށްދިޔަ އޭޕީގެ އެތެރޭގެ އިންތިހާބުގެ ރައީސް ހޮވުމުގެ ވޯޓުގެ ނަތީޖާ ދައްކާގޮތުން ޝިފާން އިންތިހާބު ކާމިޔާބު ކުރީ %99 ގެ ވޯޓު ލިބިވަޑައިގެންނެވެ. ޝިފާންއާ ދެން ވާދަކުރެއްވި އިކްރާމް އަބްދުއްސަތާރަށް ލިބިވަޑައިގެންނެވީ އެންމެ ވޯޓެކެވެ.

Ad by Hajj Corporation

އަދާލަތު ޕާޓީގެ ރައީސް ކަމަށް ޝައިޚް ޝިފާން އިންތިޚާބުވެފައިވާއިރު ނައިބު ރައީސަކަށް އިންތިޚާބުވެފައިވަނީ ޝައިޚް ޢަބްދުﷲ ރަޝީދުއެވެ.

ޝިފާން އިންތިހާބު ކާމިޔާބު ކުރެއްވުމާއި ގުޅިގެން އޭޕީގެ މިހާރުގެ ރައީސް ޝެއިޙް އިމްރާން އެކްސްގައި ކުރެއްވި ޕޯސްޓެއްގައި ވިދާޅުވީ، އެ ޕާޓީގެ ހަތަރުވަނަ ދައުރުގެ ރައީސް ކަމަށް ހޮވި ވަޑައިގެންނެވި ޝިފާން ނައިބު ރައީސް ކަމަށް ހޮވިވަޑައިގެންނެވި ޝައިޚް އަބްދުالله ރަޝީދު ހޯއްދެވި ފުރިހަމަ ކާމިޔާބީއަށް ވަރަށް ހޫނު މަރުހަބާއެއް ދަންނަވާ ކަމަށެވެ

އޭނާ ވިދާޅުވީ، އަދާލަތު ޕާޓީގެ ދުސްތޫރާ އެއްގޮތަށް ކޮންގްރެސް ބާއްވާ ދައުރު ބަދަލުކުރުމުގެ އެންމެހައި އިންތިޒާމުތައް ހަމަޖެއްސުމުގައި އޭނާ ފުރިހަމަ އެއްބާރުލުން ދޭނެ ކަމަށެވެ.