އެފްއޭއެމްގެ ކުރީގެ ރައީސް ބައްސާމްގެ އެޕާޓްމަންޓްތައް މާދަމާ ރޭގެ ކުރިން ހަވާލު ނުކޮށްފި ނަމަ ގާނޫނީ ބާރުގެ ބޭނުންކޮށް އެ އެޕާޓްމަންޓްތައް ނަގާނެ ކަމަށް ފުލުހުން ބުނެފިއެވެ.

ބައްސާމް ގެ އެޕާޓްމެންޓް ހުސްކުރަން ހުޅުމާލޭ މެޖިސްޓްރޭޓް ކޯޓުން މީގެ ކުރިން ދީފައިވާ މުއްދަތު އޭނާގެ އެދުމުގެ މަތީން ވަނީ އިތުރުކޮށްދީފައެވެ. ނަމަވެސް އަނެއްކާވެސް އިތުރު މުއްދަތެއް ދިނުމަށް ބައްސާމްގެ ފަރާތުން ވަނީ މި މަހުގެ 4 ވަނަ ދުވަހު އެދިފައެވެ.

Ad by Hajj Corporation

Apartment Thah Havaalu Kuran Ithuru Muhdhatheh Dhinumah Bassaam Edhefi FacebookViberTelegramXWhatsApp

ފުލުހުންގެ އިދާރާއިން ބުނީ ބައްސާމް އަށް އިތުރު މުއްދަތެއް ދޭން އެއިދާރާއަށް ނުފެންނަ ކަމަށާއި މާދަމާ ރޭ 12:00 ގެ ކުރިން އެޕާޓްމެންޓް ހަވާލުނުކޮށްފިނަމަ ގާނޫނީ އިމުގެ ތެރެއިން ފުލުހުންގެ ބެލުމުގެ ދަށަށް އެޕާޓްމެންޓް ގެންދާނެ ކަމަށެވެ. އަދި މިކަމުގައި އަޅަންޖެހޭ ފިޔަވަޅުތައް އަޅާނެކަމަށް ވެސް ފުލުުހުން ވަނީ ބުނެފައެވެ.

ކޮވިޑް-19 ގެ އެހީގެ ގޮތުގައި ރާއްޖޭގެ ކުލަބުތަކަށް ފީފާއިން ދިން ބައެއް ފައިސާއިން، އަމީން އެވެނިއުއިން ބައްސާމް ގަނެފައިވާ އެޕާޓްމަންޓުތަކަށް ފައިސާ ދެއްކި މައްސަލައިގައި އޭނާގެ މައްޗަށް ދައުވާކުރުމަށް މިދިޔަ މަހުގެ ތެރޭގައި ފުލުހުން ވަނީ ޕްރޮސެކިއުޓަރ ޖެނެރަލްގެ އޮފީހަށް ފޮނުވާފައެވެ