ހުޅުމާލޭގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތެއް ކުރުމަށްޓަކައި، މިއަދު މެންދުރުފަހު ހުޅުމާލޭގެ ބައެއް ސަރަހައްދުތަކުން ކަރަންޓުގެ ޚިދުމަތް މެދުކެނޑިދާނެ ކަމަށް ސްޓޭޓް އިލެކްޓްރިކް ކޮމްޕެނީ (ސްޓެލްކޯ) އިން ބުނެފިއެވެ.

ސްޓެލްކޯއިން ބުނީ، މި މަސައްކަތަކީ އެ ކުންފުނީގެ ކަރަންޓުގެ ވިއުގަ ވަރުގަދަކޮށް ޚިދުމަތުގެ ފެންވަރު ރަނގަޅު ކުރުމަށްޓަކައި ކޮންމެހެން ކުރަންޖެހޭ މަސައްކަތެކެވެ.

Ad by Hajj Corporation

މި މަސައްކަތް ކުރުމަށް ހަމަޖެހިފައިވަނީ މިއަދު، 12 ފެބުރުވަރީ 2026 ވާ ބުރާސްފަތި ދުވަހުގެ މެންދުރުފަހު އެވެ.ކަރަންޓުގެ ޚިދުމަތް މެދުކެނޑުން އެކަށީގެންވަނީ ހުޅުމާލެ ފުރަތަމަ ފިޔަވަހީގެ، ރަބަރުގަސް މަގު ގޯޅި 8 އަދި 9 ހިމެނޭ ސަރަޙައްދުތަކުންނެވެ.

ސްޓެލްކޯއިން ބުނީ މި ސަރަހައްދުތަކުން މިއަދު މެންދުރުފަހު 14:00 އާއި 16:00 އާ ދެމެދު ކަރަންޓުގެ ޚިދުމަތް މެދުކެނޑުމަކީ އެކަށީގެންވާ ކަމެއް ކަމަށެވެ.

ސްޓެލްކޯއިން އަންނަނީ މާލެ ސަރަހައްދުގެ ކަރަންޓުގެ ވިއުގަ އިތުރަށް ތަރައްގީކޮށް، މެދުކެނޑުމެއް ނެތި ޚިދުމަތް ފޯރުކޮށްދިނުމަށް ގިނަ މަސައްކަތްތަކެއް ކުރަމުންނެވެ.