ރޭގައި ލީގުގައި ކުޅުނު މެޗުން ޕީއެސްޖީ 3-1 އިން ބަލިވުމާ ގުޅިގެން، ހޮނިހިރު ދުވަހު ޕެރިސް އެފްސީއާ ދެކޮޅަށް ކުޅޭ މެޗުން ލެންސް މޮޅުވެއްޖެނަމަ، ލީގު ތާވަލުގެ އެއްވަނަ މަގާމު ގެއްލުމުގެ ބިރު ޕީއެސްޖީއަށް ހީވެއްޖެއެވެ.

މި ސީޒަނުގައި މިހާތަނަށް ކުޅުނު 35 މެޗުގެ ތެރެއިން ހަ މެޗުން ޕީއެސްޖީ ވަނީ ބަލިވެފައެވެ. މިއީ 2020-21 ވަނަ ސީޒަނަށްފަހު އެ ޓީމު މިހާ އަވަހަށް މިހާ ގިނަ މެޗުން ބަލިވި ފުރަތަމަ ފަހަރެވެ. މި މެޗުގައި ޕީއެސްޖީގެ ހަމައެކަނި ލަނޑު ކާމިޔާބުކޮށްދިން ޑެމްބެލޭ ބުނީ، މިދިޔަ ސީޒަނުގެ ކާމިޔާބީ ތަކުރާރުކުރަން ބޭނުންނަމަ ކުޅުންތެރިން މިއަށްވުރެ ބޮޑަށް ހިތްވަރުގަދަ ކުރަންޖެހޭ ކަމަށެވެ.

Ad by Hajj Corporation

މެޗަށްފަހު ޕީއެސްޖީގެ ކޯޗު ލުއިސް އެންރީކޭ ވަނީ ރެންސްގެ ކުޅުމަށް ތައުރީފުކޮށްފައެވެ. ނަމަވެސް އޭނާގެ ޓީމުން މިއަށްވުރެ ރަނގަޅަށް މަސައްކަތް ކުރަންޖެހޭ ކަމަށް ބުންޏެވެ. އެންރީކޭ ފާހަގަކުރި ގޮތުގައި ފުރަތަމަ ހާފުގައި ޕީއެސްޖީން ގިނަ ފުރުސަތުތަކެއް އުފައްދައި މެޗު ކޮންޓްރޯލް ކުރި ނަމަވެސް، ހާފު ނިމުނީ 1-0 އިން ރެންސް ކުރީގައި އޮވެގެންނެވެ. ރެންސްއިން މަދު ފުރުސަތުތަކެއްގައި ތިން ލަނޑު ޖެހިއިރު، ޕީއެސްޖީއަށް ޖެހުނީ އެންމެ ލަނޑެކެވެ.