ދުނިޔޭގެ އެންމެ ބޮޑު ޝިޕިން ކުންފުނި ކަމަށްވާ މެޑިޓެރޭނިއަން ޝިޕިން ކޮމްޕެނީ (އެމްއެސްސީ) ގެ ބޯޓެއް ފުރަތަމަ ފަހަރަށް ރާއްޖެ އަތުވެއްޖެ އެވެ.

އެ ބޯޓު މިއަދު ވަނީ މާލޭގައި ބަނދަރު ކޮށްފަ އެވެ. މިއީ އެމްއެސްސީގެ ބޯޓެއް ރާއްޖެ އައި ފުރަތަމަ ފަހަރެވެ.

Ad by Hajj Corporation

މިކަމާ ގުޅޭގޮތުން، އެމްޕީއެލްގެ ސީއީއޯ މުހައްމަދު ވަޖީހު އިބްރާހިމް ވިދާޅުވެފައިވަނީ، ރާއްޖެއަށް އައި އެމްއެސްސީގެ ބޯޓުން 800 ކޮންޓެއިނާ ގެނައި ކަމަށާއި، އެބޯޓުން ގެނައީ ޖެނެރަލް ކާގޯ ކަމަށެވެ.

އެމްއެސްސީގެ އެ ބޯޓު އައުމާ ގުޅިގެން މަރުހަބާ ކިޔުމަށް ހާއްސަ ރަސްމިއްޔާތެއް މާދަމާ ބޭއްވުމަށް އެމްޕީއެލް އިން ވަނީ ނިންމައިފަ އެވެ.

ދުނިޔޭގައި ބޭނުންކުރާ ޝިޕިންލައިން ބޯޓުތަކުގެ ކޮންޓެއިނާ ކެޕޭސިޓީގެ 20 ޕަސެންޓު ނިސްބަތް ވަނީ މެޑިޓެރޭނިއަން ޝިޕިން ކޮމްޕެނީއަށެވެ.