މި ރަމަޟާން މަހު ޚިދުމަތްތައް ދޭނެ ގަޑިތައް ސަރުކާރު ހޮސްޕިޓަލު އައިޖީއެމްއެޗުން އާންމުކޮށްފިއެވެ.

އައިޖީއެމްއެޗުން އާންމުކުރި މައުލޫމާތުގައިވާ ގޮތުން، ރަމަޟާން މަހުގެ ފުރަތަމަ ދުވަހުން ފެށިގެން ޝައްވާލު މަހުގެ ހަތްވަނަ ދުވަސް، ނުވަތަ ހަ ރޯދަ ނިމޭ ދުވަހުގެ ނިޔަލަށް ހުރިހާ ޑިޕާޓްމަންޓުތަކުގެ ކައުންޓަރުތަކުން ހެނދުނު 8:30 އިން މެންދުރު ފަހު 2:30އަށް ޚިދުމަތް ދޭނެއެވެ.

Ad by Hajj Corporation

ލެބޯރެޓަރީގެ ޚިދުމަތްތައް ދޭ ގަޑިތަކަށް ބަލާއިރު، ގަވާއިދުން ހަދާ ޓެސްޓުތަކުގެ ސާމްޕަލް ނަގައި ބަލައިގަންނާނީ ހެނދުނު 8:00 އިން ފެށިގެން ހަވީރު 17:00 ޖެހުމާ ހަމައަށެވެ.

މީގެ އިތުރުން، ކައިގެން ދެ ގަޑިއިރު ފަހުން ލޭ ނަގައިގެން ހަދާ ޓެސްޓުތަކަށް ބޭނުންވާ ސާމްޕަލާއި ދަރިފަނީގެ ސާމްޕަލް ބަލައިގަންނާނީ ރޭގަނޑު 20:00 އިން 21:00 އާ ހަމައަށް ށެވެ.

އަދި، ބޭރަށް ފޮނުވައިގެން ހަދާ ޓެސްޓުތަކުގެ ސާމްޕަލް ބަލައިގަންނާނީ އާދީއްތަ ދުވަހާއި ބުދަ ދުވަހު ހެނދުނު9:0 0 ފެށިގެން ރޭގަނޑު 21:00ޖެހުމާ ހަމައަށް، އަދި ހުކުރު ފިޔަވައި ބާކީ ދުވަސްދުވަހު ހެނދުނު 8:00 އިން ފެށިގެން 10:00 ޖެހުމާ ހަމައަށެވެ.

ހަމަ އެހެންމެ، އެކްސްރޭ ހެދުން ހެނދުނު8:00 މެންދުރު ފަހު 2:30އަށް، އަދި ސީޓީ ސްކޭނާއި އެމްއާރުއައިއާއި އަލްޓްރާސައުންޑް ސްކޭނާއި މެމޯގްރާމާއި ބީއެމްޑީ ހެދުން ހެނދުނު8:00 ކުން ފެށިގެން މެންދުރު 14:00 ޖަހަންދެން ކުރިއަށް ގެންދާ ގޮތަށް ވަނީ ހަމަޖައްސައިފައެވެ.

އައިޖީއެމްއެޗުން ބުނީ، އެމަޖެންސީގެ ޚިދުމަތްތައް ރަމަޟާން މަހު ވެސް މެދުނުކެނޑި 24 ގަޑިއިރު ދެމުން ގެންދާނެ ކަމަށެވެ.