އައްޑޫ ސިޓީގައި ވަޒީފާ އަދާކުރަމުންދާ ސްރީލަންކާގެ ރައްޔިތަކު އިއްޔެ އިސްލާމްދީން ގަބޫލުކޮށްފިއެވެ.

އައްޑޫ ސިޓީ ފޭދޫގެ ނަޔާ ސެލޫނުގައި މަސައްކަތް ކުރަމުން އައި މި މީހާ އިސްލާމްވެފައިވަނީ އިއްޔެގެ އަސުރު ނަމާދަށްފަހު ފޭދޫގެ ބޮޑު މިސްކިތުގައެވެ.

Ad by Hajj Corporation

އިސްލާމްދީން ގަބޫލުކޮށްފައިވަނީ ޖަޔަސިންހާ އަރަޗިގެ ވަރުނާ ޕްރަބާތު ސަދަރުވާން ކިޔާ މީހެކެވެ. ސޯޝަލް މީޑިއާގައި އާންމުވެފައިވާ ވީޑިއޯއިން ފެންނަ ގޮތުގައި، އޭނާއަށް ޝަހާދަތުގެ ދެކަލިމަ ލައިދީފައިވަނީ ފޭދޫ ބޮޑު މިސްކިތުގެ އިމާމެވެ.

މި މީހާ އިސްލާމްވިކަން ހާމަކޮށް "މިޝްކަތު ފައުންޑޭޝަން" އިން ސޯޝަލް މީޑިއާގައި ބުނެފައިވަނީ، އިސްލާމްވުމަށްފަހު އޭނާގެ ނަން މިހާރު އަބްދުﷲ އާދަމް އަށް ބަދަލުކޮށްފައިވާ ކަމަށެވެ.

ފާހަގަކޮށްލެވޭ ގޮތުގައި، މީގެ ހަފުތާއެއްހާ ދުވަސް ކުރިން ކ. ދިއްފުށީގައި ޗުއްޓީ ހޭދަކުރަމުން ދިޔަ ބޭރުގެ އަންހެން ފަތުރުވެރިއަކުވެސް ވަނީ އިސްލާމްވެފައެވެ.

ރާއްޖޭގައި މަސައްކަތް ކުރާ އަދި ޒިޔާރަތްކުރާ ބޭރުގެ ފަރާތްތަކުން އިސްލާމްދީން ގަބޫލުކުރުމަކީ ދޭތެރެއަކުން ފެންނަމުންދާ އުފާވެރި މަންޒަރެކެވެ.