ކުޅުދުއްފުށި ސިޓީއާއި ތިނަދޫ ސިޓީގައި މަސައްކަތްކުރާނެ ފުލުހުންގެ ސްޕެޝަލް ކޮންސްޓަބިއުލަރީ ކޮންސްޓަބަލުންގެ މަގާމަށް މީހުން ބޭނުންވާތީ އެ މަގާމަށް މީހުން ހޯދަން އިއުލާންކޮށްފިއެވެ.

ކުޅުދުއްފުށި ސިޓީއަށް 20 ސްޕެޝަލް ކޮންސްޓަބިއުލަރީ ކޮންސްޓަބަލުން ހޯދާއިރު ތިނަދޫ ސިޓީއަށް ހޯދަނީ އެންމެ މީހެކެވެ.

މި ވަޒީފާއަށް ކުރިމަތިލުމަށް ފުރުސަތު ހުޅުވާލާފައިވަނީ ކުރިއަށް އޮތް މާޗް ފަސްވަނަ ދުވަހުގެ ނިޔަލަށެވެ.

ގުރޭޑް 10 ނިންމާފައިވާ އުމުރުން 18-35 އަހަރާ ދެމެދުގެ މީހުންގެ ތެރެއިން ފިރިހެނަކު ނަމަ އިސްކޮޅުން 5 ފޫޓް 3 އިންޗި އަދި އަންހެނަކު ނަމަ އިސްކޮޅުން 05 ފޫޓް ހުރި ނަމަ މި މަގާމަށް ކުރިމަތިލެވޭނެއެވެ.

ސްޕެޝަލް ކޮންސްޓަބިއުލަރީ ކޮންސްޓަބަލުންގެ މުސާރަ އަކީ މަހަކު 17,175 ރުފިޔާއެވެ.