ދެ އިންތިހާބު އެއްދުވަހެއްގައި ބާއްވަން ޕީއެންސީ އިން ތާއީދު ކަމަށް އެޕާޓީން ބުނެފިއެވެ.

އެ ޕާޓީން މިހެން ބުނީ މިއަދު ބޭއްވި ނޫސްވެރިންގެ ބައްދަލުވުމެއްގައި ޕީއެންސީގެ ޕާލަމެންޓްރީ ގްރޫޕްގެ ލީޑަރު އަދި ރައްޔިތުންގެ މަޖިލިހުގެ އިނގުރައިދޫ ދާއިރާގެ މެންބަރު އިބްރާހިމް ފަލާހްއެވެ.

Ad by Hajj Corporation

ފަލާހު ވިދާޅުވީ މިއީ ސިޔާސީ ހުރިހާ ޕާޓީތަކާއި ރައްޔިތުންގެ މެދުގައި ވެސް އިއްތިފާގުވެފައިވާ މައްސަލައެއް ކަމަށެވެ. އަދި ގާނޫނު އަސާސީ އަށް މި އިސްލާހު، ރައީސް ޑރ. މުހައްމަދު މުއިއްޒު ހުށަހެޅުއްވީ ވަރަށް މާތް މަގުސަދެއްގައި ކަމަށެވެ.

ރައީސްގެ މަދުސަދަކީ ގައުމު ތަރައްގީކުރުމާ، ލާމަރުކަޒީ ނިޒާމު ތަރައްގީ ކުރުން ކަމަަށް ވެސް ފަލާހު ވިދާޅުވިއެވެ. އަދި މިއީ ރާއްޖޭގައި ހިންގޭ ވަރުގަދަ ކެމްޕޭނެއްގެ ގޮތުގައި ކުރިއަށްދާނެ ކަމަށް ޚުދު ފަލާހު ވެސް ގަބޫލު ނުކުރައްވާ ކަމުގައި ވިދާޅުވިއެވެ.

ފަލާހު ވިދާޅުވީ ލޯކަލް ކައުންސިލުތަކުގެ އިންތިހާބަށް ވުރެ ދެ އިންތިހާބު އެއްކޮަށްލުމުގެ ކެމްޕޭން މާބޮޑަށް ވެސް ވަރުގަދަވެ، ފޯރި ގަދަވެއްޖެ ކަމަށެވެ. އަދި މިއީ ރާއްޖޭގެ ވަަރަށްގިނަ ރައްޔިތުން ތާއީދުކުރާ ކަމެއްކަން ފާހަގަކޮށް ފަލާހު ވިދާޅުވީ ޕީއެންސީގެ ސްޓޭންޑަކީ ރެފްރެންޓަމް އިންތިހާބުގައި 'އާއެކޭ' ކަމަށެވެ.