ރައްޔިތުންގެ މަޖިލީހުގެ ރައީސްގެ މުސާރައަށް ބަދަލު ގެނައީ ތިންބާރުގެ ހަމަހަމަކަން ގާއިމުކުރުމުގެ ބޭނުމުގައި ކަމަށް އިނގުރައިދޫ ދާއިރާގެ މެމްބަރު އިބްރާހިމް ފަލާހް ވިދާޅުވެއްޖެއެވެ.

ފަލާހް މިހެން ވިދާޅުވީ މިއަދު ކުރިއަށް ދިޔަ މަޖލީހުގެ ޖަލްސާގައި، މަޖިލީހުގެ ރައީސާއި ވަޒީރުންގެ މުސާރަ ބޮޑުކުރި ކަމަށް ބުނެ އިދިކޮޅު ފަރާތްތަކުން ދައްކާ ވާހަކަތަކަށް ރައްދު ދެއްވަމުންނެވެ.

Ad by Hajj Corporation

ވަޒީރުންގެ މުސާރައާ ގުޅޭގޮތުން ވާހަކަދައްކަވަމުން ފަލާޙް ވިދާޅުވީ ވަޒީރުންގެ އަސާސީ މުސާރަ ބޮޑުކުރެވިފައި ނުވާ ކަމަށެވެ. ނަމަވެސް ކުރިން ކާރާއި ޑްރައިވަރާއި ތެލަށް ދެމުން އައި 7،000 ރުފިޔާއަކީ އެކަމަށް އެކަށީގެންވާ މިންވަރަކަށް ނުވާތީ، އެ އެލަވަންސް 17,000 ރުފިޔާއަށް ބަދަލުކުރީ ކަމަށެވެ. 

" ޕީއެންސީގެ މެމްބަރުންނަކީ ވަކި އޯޑަރަކަށް ތަބާވާ "ބޮޓުން" ތަކެއް ނޫން. ޕީއެންސީގެ މެންބަރުންނަށް މިނިވަންކަމާއެކު ވާހަކަދެއްކުމުގެ ފުރުސަތު އޮންނާނެ" ފަލާހް ވިދާޅުވި އެވެ،

ފަލާހް އިތުރަށް ވިދާޅުވީ މި ސަރުކާރުން ރައްޔިތުންނަށް ދަތިކަމެއް ކުރިމަތި ނުވާނެހެން ޒަރޫރީ ހުރިހާ ބޭނުންތަކެއް ފުއްދައިދެމުންދާ ކަމަށާއި، ރާއްޖޭގެ އެކި ކަންކޮޅުތަކުގައި ތަރައްގީގެ ގިނަ މަޝްރޫއުތައްވެސް ހިންގަމުންދާ ކަމަށެވެ.