ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ބާއްވަވާ ނޫސްވެރިންގެ ބައްދަލުވުމެއް މާދަމާ ހެނދުނަށް ތާވަލުކޮށްފިއެވެ.

ރައީސުލްޖުމްހޫރިއްޔާގެ އޮފީހުން ބުނީ ރައީސް، ނޫސްވެރިންނާ ބައްދަލުކުރައްވާނީ މާދަމާ ހެނދުނު 10:00 ގައި ރައީސުލްޖުމްހޫރިއްޔާގެ އޮފީހުގައި އޮންނާނެ ކަމަށް އެ އޮފީހުން މިރޭ ހާމަކުރައްވައިފިއެވެ.ކަމަށެވެ.

Ad by Hajj Corporation

މިއީ މި އަހަރުގެ ރިޔާސީ ބަޔާނުގައި ރައީސް އިއުލާނުކުރެއްވި ގޮތަށް، ކޮންމެ ހަފްތާއެއްގެ ހޯމަ ދުވަހު ނޫސްވެރިންނާ ބައްދަލުކުރައްވަން ފެށްޓެވުމުގެ ފެށުމެވެ. ރައީސް އޭރު ވިދާޅުވީ މާރޗު މަހުން ފެށިގެން ކޮންމެ ހޯމަ ދުވަހެއްގެ ހެނދުނު 10:00 އިން 11:00 އަށް ނޫސްވެރިންނާ ބައްދަލުކުރައްވާނެ ކަމަށާއި، މީޑިއާއާ އެކު ބާއްވަމުން އަންނަ ގާތް ގުޅުން އިތުރަށް ވަރުގަދަކުރެއްވުމަކީ އެކަމުގެ ބޭނުންފުޅު ކަމަށެވެ.

ރައީސް އޮފީހުން ވަނީ ބައްދަލުވުމުގައި ބައިވެރިވާ ނޫސްވެރިން މާދަމާ ހެނދުނު 9:00 އަށް ރައީސް އޮފީހަށް ވަޑައިގަތުމަށް އެދިފައެވެ.