މޯލްޑިވްސް މީޑިއާ އެންޑް ބްރޯޑްކާސްޓިން ކޮމިޝަންގެ ރަސްމީ ލޯގޯ ބޭނުންކުރަން ފަށައިފި އެވެ.

މީޑިއާ ކޮމިޝަނުން މިއަދު ނެރުނު ނޫސްބަޔާނެއްގައި ވަނީ އެ ކޮމިޝަންގެ ރަސްމީ ލޯގޯ އާންމުކޮށް މިއަދުން ފެށިގެން ބޭނުންކުރަން ފަށާފައިވާކަން ހާމަކޮށްފަ އެވެ.

އެ ކޮމިޝަނުން ބުނި ގޮތުގައި ލޯގޯ ފަރުމާކޮށްފައިވަނީ މައިގަނޑު ހަތަރު ބައެއްގެ މައްޗަށެވެ.

Ad by Hajj Corporation

ލޯގޯ ފަރުމާކޮށްފައިވާ މައިގަނޑު ހަތަރު ބައި

• ކޮމާކޯޅި - ހިޔާލު ފާޅުކުރުމުގެ މިނިވަންކަން
• ބްރޯޑްކާސްޓިން ވޭވްސް - މައުލޫމާތު ފެތުރިގެންދާ ހަލުވި މިން
• ވަކިވަކި ހަތަރު ބައި - މީޑިއާއަކީ ހަތަރުވަނަ ބާރުކަން
• މ، ބ، ކ - ދިވެހި ބަހާއި ސަގާފަތަށް ދޭ އަހަމިއްޔަތުކަން

މި ލޯގޯއާއެކު ކޮމިޝަނުގެ އެންމެ ބޮޑު އަމާޒަކީ ރާއްޖޭގައި މީޑިއާގެ މިނިވަންކަން ދަމަހައްޓައި ޒިންމާދާރު ނޫސްވެރިކަމުގެ ސަގާފަތެއް ކުރިއެރުވުމަށް ކުރާ މަސައްކަތްތައް އިތުރަށް ހަރުދަނާކުރުން ކަމަށް މީޑިއާ ކޮމިޝަނުން ވަނީ ބުނެފަ އެވެ.