ޖަޕާނުގެ ބޮޑުވަޒީރުކަމަށް އަލަށް އައްޔަންވި ޝިގެރޫ، ރާއްޖޭގެ ރައީސް ޑރ.މުޙައްމަދު މުޢިއްޒުއާ ގުޅިގެން މަސައްކަތްކުރެއްވުމުގެ ޝައުޤުވެރިކަން ފާޅުކުރައްވައިފިއެވެ. ރައީސް މުއިއްޒު ފޮނުއްވި ތަހުނިޔާގެ މެސެޖާއި ގުޅުވައި ބޮޑުވަޒީރު ޝިގޭރޫ ވަނީ ދެ ގައުމުގެ ގުޅުން އިތުރަށް ބަދަހިކުރުމަށް އެކުގައި މަސައްކަތް ކުރެއްވުމަށް ވަރަށް ބޮޑަށް އުއްމީދު ކުރައްވާ ކަމަށް ވިދާޅުވެފައެވެ.

Ad by Hajj Corporation

ސޯޝަލް މީޑިއާ ޕްލެޓްފޯމް އެކްސްގައި ކުރެއްވީ ޕޯސްޓެއްގައި ޝިގެރޫ ވިދާޅުވީ ޖަޕާނާއި ރާއްޖެއާ ދެމެދު އޮންނަ ގުޅުން އިތުރަށް ބަދަހިކުރުމުގެ އިތުރުން ރާއްޖެއާއި ޗައިނާއާ ދެމެދު ގާތް ގުޅުމެއް ބާއްވަން މަސައްކަތް ކުރައްވާނެ ކަމަށެވެ. މިއީ ރާއްޖޭގެ ޚާރިޖިއްޔާ އަދި އިގްތިސާދު ކުރިއެރުމަށް ޖަޕާނުން ޝައުގުވެރިވާކަން އަންގައިދޭ ކަމެއް ކަމަށާއި ބައިނަލްއަގްވާމީ ބަދަހި ގުޅުމެެއް ޗައިނާ އާއި ރާއްޖެއާއި ދެމެދު އޮތުމަކީ މުހިއްމު ކަމެއް ކަމަށް ވެސް ޖަޕާނުގެ ބޮޑުވަޒީރު ވަނީ ވިދާޅުވެފައެވެ.

ޖަޕާނާއި ރާއްޖެއާ ދެމެދު އެކި ދާއިރާތަކުން އިތުރަށް ގުޅުން ބަދަހިކުރުމުގެ ފުރުޞަތުތައް އިތުރުވަމުންދާކަން ޝިގޭރޫ ވަނީ ފާހަގަކޮށްފައެވެ.