މި އަހަރުގެ ރޯދަ މަހުގެ ފަހު ދިހައިގެ ދުވަސްތަކަށް ސަރުކާރު ބަންދުކޮށްފިއެވެ.

ރައީސް އޮފީހުން ބުނީ މިއަދުން ފެށިގެން މި މަހުގެ 18 ވަނަ ދުވަހާ ހަމައަށް ސަރުކާރު ބަންދުވާނެ ކަމަށެވެ.

Ad by Hajj Corporation

2024 ވަނަ އަހަރުން ފެށިގެން ރޯދަ މަހުގެ ފަހު ދިހައިގެ ދުވަސްތަކަކީ ސަރުކާރު ބަންދު ކުރަން ފެށީ އިސްލާމީ އުސޫލުތައް ގާއިމުކުރެއްވުމަށާއި، ދީނީ ކަންކަމަށް ރައްޔިތުންގެ ހިތްތަކުގައި ލޯބި ޖެއްސުމާއި އަޅުކަމަށް އިސްކަން ދިނުމަށް ފުރުސަތު ދިނުމުގެ މަގުސަދުގައެވެ.

ސަރުކާރު ބަންދުވި ނަމަވެސް، ރައްޔިތުންނަށް ކޮންމެހެން ދޭންޖެހޭ ހިދުމަތްތައް މެދުނުކެނޑި ފޯރުކޮށްދިނުމަށްޓަކައި އެކި އިދާރާތަކުން އެކަށީގެންވާ އިންތިޒާމްތައް ވަނީ ހަމަޖައްސާފައެވެ.

ރައީސް އޮފީހުން ކުރިން ބުނީ ބަންދު ދުވަސްތަކުގައި ވެސް ރައްޔިތުންނަށް ބޭނުންވާ އަސާސީ ހިދުމަތްތައް ފަސޭހަކަމާއެކު ލިބޭނެއެވެ.