މާލެ މަސްމާރުކޭޓް ކުރިމަތީގައި ހުންނަ ލޯކަލް މާރުކޭޓް ސަރަހައްދުގައި މާލޭ ވެޓް މާކެޓް ކޮމްޕްލެކްސް ތަރައްގީކުރަން ބަޔަކާ ހަވާލުކޮށްފިއެވެ.

މިމަސައްކަތް ހަވާލުކޮށްފައި ވަނީ ޓްރަސްޓެންގް މޯލްޑިވްސް ޕްރައިވެޓް ލިމިޓެޑް ނަމަކަށް ކިޔާ ކުންފުންޏަކާއެވެ.

Ad by Hajj Corporation

ހައުސިން މިނިސްޓްރީގެ ފަރާތުން މި މަޝްރޫއުގެ އެއްބަސްވުމުގައި ސޮއި ކުރެއްވީ ޕާމަނަންޓް ސެކްރެޓަރީ މުޙައްމަދު ޝާމިލް އެވެ. ޓްރަސްޓެންގް މޯލްޑިވްސް ޕްރައިވެޓް ލިމިޓެޑްގެ ފަރާތުން ސޮއިކުރެއްވީ މެނޭޖިން ޑިރެކްޓަރު މުޙައްމަދު ޢަބްދުލް ހާދީއެވެ.

ހައުސިން މިނިސްޓްރީން ބުނި ގޮތުގައި މިއަދު ސޮއިކުރި މި މަޝްރޫއުގެ އަގަކީ 126.35 މިލިއަން ރުފިޔާއެވެ.

ހައުސިން މިނިސްޓްރީން ބުނި ގޮތުގައި މިއަދު ސޮއިކުރި މި މަޝްރޫއުގެ އަގަކީ 126.35 މިލިއަން ރުފިޔާއެވެ.

މި މަޝްރޫއުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތްތަކުގެ ތެރޭގައި 6 ފަންގިފިލާގެ ވެޓް މާކެޓް ކޮމްޕްލެކްސްއެއް އެޅުން، ބޭސްމަންޓް – ޕާކިން، ގްރައުންޑް ފްލޯ – މަސް މާރުކޭޓް އަދި 1 ވަނަ، 2 ވަނަ އަދި 3 ވަނަ ފްލޯ – ތަރުކާރީ މާކެޓްގެ އިތުރުން 4 ވަނަ ފްލޯ – ފުޑް ކޯޓު ހިމެނެއެވެ.

މި މަޝްރޫއުގެ މަސައްކަތް 600 ދުވަހުން ނިންމަން ވަނީ އެއްބަސްވެފައެވެ.