މޯލްޑިވްސް ޕޯޓްސް ލިމިޑެޓް (އެމްޕީއެލް) ގެ ޑެޕިއުޓީ ސީއީއޯގެ މަޤާމަށް އިބްރާހިމް ޒިޔަތު ހަމަޖައްސައިފިއެވެ.

އެމްޕީއެލް އިން ހޯމަ ދުވަހު ބުނެފައިވަނީ، އެ ކުންފުނީގެ ޑެޕިއުޓީ ސީއީއޯގެ މަޤާމުގެ އިތުރުން، ކުންފުނީގެ ބޯޑު މެންބަރު ކަމަށް ވެސް އިބްރާހިމް ޒިޔަތު މިހާރު އައްޔަނު ކޮށްފައިވާ ކަމަށެވެ.

Ad by Hajj Corporation

ޒިޔަތު އެމްޕީއެލްގެ މެނޭޖްމަންޓާ ގުޅިވަޑައިގަތުމާ ގުޅިގެން، ކުންފުނީގެ ހުރިހާ މުވައްޒިފުންގެ ނަމުގައި އޭނާއަށް ވަނީ ހޫނު މަރުޙަބާއެއް ކިޔާފައެވެ.

އެމްޕީއެލް އަކީ ރާއްޖޭގެ ބަނދަރުތަކުގެ އޮޕަރޭޝަންތައް ބަލަހައްޓާ މައި ކުންފުންޏެވެ.

އިބްރާހިމް ޒިޔަތަކީ މީގެ ކުރިން ވެސް ސަރުކާރުގެ ބޮޑެތި ކުންފުނިތަކުގެ އިސް މަޤާމުތައް ފުރުއްވާފައިވާ، ތަޖުރިބާކާރު ބޭފުޅެކެވެ. އެގޮތުން އޭނާ ވަނީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) ގެ ސީއީއޯގެ މަޤާމު ވެސް ކުރިން ފުރުއްވާފައެވެ.