ލިވާޕޫލުގެ ފުރަތަމަ ކީޕަރު، އެލިސަން ބެކާގެ ފައިގެ ފަލަމަސްގަނޑަށް ލިބުނު އަނިޔާގެ ސަބަބުން މަހަކަށް ކުޅުމާ ދުރަށް ދާން ޖެހިއްޖެއެވެ.

އެލިސަންއަށް އަނިޔާވީ އިނިގިރޭސި ޕްރިމިއާ ލީގުގައި ކްރިސްޓަލް ޕެލޭސް އާ ދެކޮޅަށް ކުޅުނު މެޗުގައެވެ. އެ މެޗުގައި ލިބުނު އަނިޔާގެ ސަބަބުން އޭނާއަށް މަހެއްހާ ދުވަހުގެ ކުޅުން ގެއްލޭނެ ކަމުގައި ރިޕޯޓުތައް ބުނާއިރު، އެއީ ގާތްގަޑަކަށް ހަތް މެޗު ކަމުގައި އެ ރިޕޯޓުތައް ބުންޏެބެ.

ބްރެޒިލްއަށް ނިސްބަތްވާ އެލިސަންއަށް، މި ސީޒަނުގައި އަނިޔާވެ، ކުޅުމާ ދުރަށްދާން ޖެހޭ މިއީ ދެވަނަ ފަހަރެވެ. އެގޮތުން މީގެ ކުރިން ވެސް ފަލަމަސްގަނޑަށް އަނިޔާވެ، ދެ މެޗެއް އޭނާ އަށް ވަނީ ގެއްލިފައެވެ.

މިދިޔަ އަހަރުތަކުގައި ވެސް އަނިޔާގެ ގިނަ މައްސަލަތައް ދިމާވި އެލިސަން އަށް މި ސީޒަނުގައި ވެސް އަނިޔާގެ މައްސަލަ ފެންމަތިވުމަކީ އެ ޓީމަށް ލިބޭނެ ބޮޑު ގެއްލުމެކެވެ.