މޯލްޑިވްސް ހައްޖު ކޯޕަރޭޝަނުން އުމްރާ އަށް ދިޔަ 200 އަށް ވުރެ ގިނަ އުމްރާވެރިން ރާއްޖެ އަތުވެއްޖެއެވެ.

އެ ކޯޕަރޭޝަނުން ވަނީ ރަމަޟާން މަހު ޢުމްރާއަށް 230 އަށްވުރެ ގިނަ ޢުމްރާވެރިން ގެންގޮސްފައެވެ. އަދި އެންމެފަހު ފްލައިޓުގައި އުމްރާވެރިން ރާއްޖެ އައިސްފައިވަނީ ހެނދުނު 7 ޖަހާކަންހާއިރުއެވެ.

ކޯޕަރޭޝަންގެ ހަވާލުގައި މައްކާއަށް ދިޔަ އުމްރާވެރިންގެ ތެރެއިން މިވަގުތު މައްކާގައި ތިބީ ރަމަޟާން މަހުގެ ފަހު 15 އަށް ދިޔަ 300 މީހުންނާއި އުމްރާއަށް މީހުން ގެންދިޔުމަށް ފައިސާދެއްކުމަށްފަހު، ފައިސާއަށް އެގްރޫޕުން ހިޔާނާތްތެރިވި މައްސަލައިގައި ހައްޖު ކޯޕަރޭޝަންގެ އެހީގައި އުމްރާވުމަށް ދިޔަ ފަރާތްތަކެވެ.

Ad by Hajj Corporation

މައުލޫމާތު ލިބިފައިވާ ގޮތުގައި ފަހު 15 ގެ ހުރިހާ ޢުމްރާވެރިން 29 ވަނަ ދުވަހު ފުރުމަށް ވަނީ ތާވަލުކޮށްފައިވާއިރު، ހައްޖު ކޯޕަރޭޝަންގެ އެހީގައި އުމްރާވުމަށް ދިޔަ ފަރާތްތައް ފުރުމަށް ހަމަޖެހިފައިވަނީ މިމަހުގެ 30 ވަނަ ދުވަހުއެވެ.

ޙައްޖު ކޯޕަރޭޝަންގެ ހަވާލުގައި މިއަހަރުގެ ރަމަޟާން މަހު 600 އަށްވުރެ ގިނަ މީހުން އުމްރާވުމަށް ދިޔައެވެ.