އަންނަ އޭޕްރިލް މަހުގެ 4 ވަނަ ދުވަހު އޮންނަ 3 ވޯޓުގައި ވެސް ''ދޫންޏަށް'' ނުވަތަ ޕީއެންސީ ކޮޅަށް ވޯޓުލާން ޖެހޭ ސާފު ހެކި ބާރަށު ދާއުރާގެ މެމްބަރު އިބްރާހީމް ޝުޖާޢުގެ އެންމެ ޖުމްލަ އަކުން ވެސް ލިބެއެވެ.

ޝުޖާޢުގެ މީސް މީޑިއާގެ ޕޯސްޓެއްގައި ''ބާރަށު މަތިން އުދުހިދާ ދޫންޏަކަށް ފެންނާނެ ގޮތް'' ވަނީ ދައްކަވާއިލެއްވާފައެވެ. އެއީ ރައީސް ޑރ. މުޙައްމަދު މުޢިއްޒުގެ ސަރުކާރުން އެރަށަށް ގެނެސްދެއްވާފައިވާ ތަރައްގީ އާއި ތަމައްދުންގެ ފޮޓޯތަކާއެކު ކުރެއްވި ޕޯސްޓެކެވެ. ބާރަށު މަތިން ފެންނާން އޮތީ ތަރައްގީގެ ކުލައެވެ. ވިޝަނަރީ ލީޑަރެއްގެ މުޅި ރާއްޖޭގެ ތަރައްގީ ކުލަވަމުން އަންނަތަން މި ފޮޓޯތަކުން ފެނެއެވެ.

Ad by Hajj Corporation

މިއީ އެއް ރަށުގެ ވާހަކައެކެވެ. މިއީ މިއަދު ރާއްޖޭގެ ހުރިހާ ރަށަކުންވެސް ފެންނަމުން އަންނަ މަންޒަރެވެ. ދޫނިތައް ރައްތަކުގެ މަތިން އުދުހިލީމައި ކޮންމެ ރަށަކުން ވެސް އެކި ވަރުގެ ތަރައްގީ ފެންނަމުން ދެއެވެ. ނިމިފައިވާ މަޝްރޫޢުތަކާއި ނިމެމުންދާ މަޝްރޫޢުތަކެވެ. ފެށިފައިވާ މަޝްރޫޢުތަކާއި ފެށުމުގެ މަރުޙަލާގައިވާ އެތައް މަޝްރޫޢުއެވެ.

ދޫނިތައް އުދުހެމުންދާއިރު ޕީއެންސީގެ ރީތި ނޫކުލައިގެ ތެރެއިން ފޭއްދިގެން އަންނަނީ ހިކެމުންދާ ބިންތަކެވެ. ބޯހިޔާވަހިކަމުގެ ހިތްދަތިކަން ފިލައި ހަމަނޭވާއެއް ލެވޭނެކަމުގެ ސާފު މަންޒަރެވެ. އަޅަމުންދާ އެއާ ޕޯޓުތަކާއި، ހަދަމުންދާ މަގުތަކެވެ. ހިމާޔަތް ކުރަމުންދާ ގޮނޑުދޮށްތަކާއި، ޒަމާނީ ފެންވަރަށް ހަދަމުންދާ މަގުތަކެވެ.

ދޫނިތައް މުޅި ރާއްޖޭގައި ބުރު ޖެހުމުން ވެސް ފެންނާނީ މި މަންޒަރުތަކެވެ. ހޮސްޕިޓާލައް އަޅާ މަންޒަރުތަކާއި، ސިއްހީ މަރުކަޒުތައް އަޕްގްރޭޑް ވަމުންދާ މަންޒަރެވެ. ޔޫތު ސެންޓަރުތަކާއި ފުޓްބޯޅަ ދަނޑުތަކާއި ފުޓްސަލް ދަނޑުތަކެވެ. އެހެން ކިޔާނެކަމެއްނެތެވެ. ތަރައްގީގެ ހުރިހާ ކުލައެއްޖެހި ދިވެހިންގެ ރާއްޖެ ދިވެހީންނަށް ކަށަވަރުވެފައިވާތަން ފެންނާނެއެވެ.

މިއީ ހަމައެކަނި ބާރަށު މަތިން އުދުހިގަތް ދޫނިތަކަށް ސިފަވާ މަންޒަރަރުތަކެއްނޫނެވެ. ކޮންމެ ރައްޔިތަކަށް ވެސް ފެންނަމުންދާ މަންޒަރުތަކެވެ. އަމިއްލަ ރަށުގެ ތަރައްގީ އާއި ދެން ހުރި ރަށުގެ ތަރައްގީ ވެސް އަމިއްލަ ލޮލުން ދެކި، މީސް މީޑިއާގެ ވަސީލަތްތަކުން ވެސް މިހިރަ ދަނީ ފެންނަމުންނެވެ.

ދެން އޮތީ މި މަންޒަރުތަކުގެ ކުލަ ފަނޑުވިޔަ ނުދީ ހަގީގީ ސްޕީޑް ގެނުވައި، ނިންމައިލުމަށް ސަރުރާރުކޮޅަށް ވޯޓުއަޅައި ވޯޓުފޮށިތައް ފުރައިލުމެވެ. އިދިކީލި ހަމަ އެކަކަށް ވެސް ފުރުސަތެއް ދޭނެކަމެއްނެތެވެ. ބޭކާރު ހޯބޯ ލަވާކަށް ''ބޮލެއް'' ހޮވުމުގެ ބޭނުމެއް ނެތެވެ. ތަރައްގީ ކަށަވަރުކުރަން ސަރުކާރުގެ ކެންޑިޑޭޓުންގެ ގޮޅީގައި ފާހަގަ ޖަހާށެވެ. އެއިރުން ތިޔަ އިންތިޒާރުކުރާ މާދަމާ މާ އުފާވެރިވާނެއެވެ.