ރ. އަލިފުށީގައި އަލިފާނުގެ ހާދިސާއެއް ހިނގައި އާއިލާއެއް ދިރިއުޅޭ ގެ އަނދާ ހުލިވެއްޖެއެވެ.

އެމްއެންޑީއެފްއިން ބުނީ ރ. އަލިފުށީ އައިރިސްގޭގައި އަލިފާން ރޯވެގެން، ނައިފަރު ފަޔަރ ސްޓޭޝަނުން ހަރަކާތްތެރިވެފައިވާ ކަމަށެވެ. ނަމަވެސް އިތުރު ތަފްސީލެއް ނުދެއެވެ.

Ad by Hajj Corporation

މެންދުރު ޓީވީއަށް އަލިފުށީ ކައުންސިލުން މައުލޫމާތު ދިން ގޮތުގައި، އަލިފާން ރޯވީ އެ ރަށުގެ އާއިލާއެއް ދިރިއުޅޭ ގޭގައެވެ. ރޯވި އަލިފާން މިހާރު ނިއްވާލާފައިވާއިރު މިހާދިސާ ހިނގަން މެދުވެރިވި ސަބަބެއް ސާފެއް ނޫނެވެ.

އަލިފުށީ ކައުންސިލުން މައުލޫމާތު ދިން ގޮތުގައި، އެ ގެ ވަނީ ދިރިނޫޅޭ ވަރަށް އަނދައި ހުލިވެފައެވެ.

މި ހާދިސާގައި މީހަކަށް އެއްވެސް އަނިޔާއެއް ވީ ކަމުގެ ރިޕޯޓު ނުލިބެއެވެ.

އަލިފާން ނިއްވުމުގައި އެ ރަށުގެ ގިނަ އަދަދެއްގެ އާންމު ރައްޔިތުން ހަރަކާތްތެރިވިއެވެ.