ވިއެޓްނާމްގެ އައު ޚާރިޖީ ވަޒީރު ކަމަށް، މރ. ލަ ހޮއައި ޓްރަންގ ޢައްޔަން ކުރެއްވުމާ ގުޅިގެން ދިވެހިރާއްޖޭގެ ޚާރިޖީ ވަޒީރު ޑރ. ޢަބްދުﷲ ޚަލީލު، އެ މަނިކުފާނަށް ތަޙުނިޔާ ވިދާޅުވެ ސިޓީފުޅެއް ފޮނުއްވައިފިއެވެ.

ވަޒިރު ޚަލީލު ފޮނުއްވި ސިޓީފުޅުގައި ވަނީ، ދިވެހިރާއްޖެ އާއި ވިއެޓްނާމް އާ ދެމެދު އޮތް ދުވަސްވީ ރަޙްމަތްތެރިކަމާއި އެއްބާރުލުމުގެ ގުޅުމަށް އަލިއަޅުވާލައްވާފައެވެ.

Ad by Hajj Corporation

އަދި ވިއެޓްނާމް ގެ އައު ޚާރިޖީ ވަޒީރުގެ ދައުރުގައި މި ގުޅުން އިތުރަށް ހަރުދަނާ ވާނެކަމުގެ ޔަޤީންކަން އޮތްކަމުގައި ވެސް އެ ސިޓީފުޅުގައި ވަޒީރު ވިދާޅުވެފައިވެއެވެ.

ފާހަގަކޮށްލަން ޖެހޭ ގޮތުގައި ދިވެހިރާއްޖެ އާއި ވިއެޓްނާމާ ދެމެދު ޚާރިޖީ ގުޅުން ޤާއިމުކުރިތާ މިހާރު 50 އަހަރު ވަނީ ފުރިފައެވެ.