ހައްޖު ކޯޕަރޭޝަން އެމްޑީ މުހައްމަދު ޝަކީލް ކަމަށްބުނެ މީހުންނަށް ގުޅައިގެން ސްކޭމް ކޯލްތަކެއް ކުރާކަމަށް ޝަކީލް ވިދާޅުވެއްޖެއެވެ. އޭނާ ވިދާޅުވީ މި ކޯލްތައް ކުރާމީހާ އެކި ފަރާތްތަކަށް ގުޅައި ފައިސާ ހޯދަމުން ދާކަމަށެވެ. ޝަކީލް އެކްސްގައި ކުރެއްވި ޕޯސްޓެއްގައި ވަނީ މިކަމަށް ސަމާލުވާން އިލްތިމާސްކޮށް، ގުޅާ މީހާއާއި ނަމްބަރުވެސް ހިއްސާކޮށްފައެވެ.

ޝަކީލްގެ ފަރާތުން ކަމަށްބުނެ އެއްވެސް މީހަކު ފައިސާ ހޯދުމަށް ކުރާ ކޯލްތަކަށް އިޖާބަ ނުދިނުމަށް ޝަކީލް ވަނީ އެދިވަޑައިގެންފައެވެ. މި މައްސަލަ މިހާރު ވަނީ ފުލުހުންނަށްވެސް ހުށައަޅާފައެވެ.

Ad by Hajj Corporation

އޮޅުވާލައިގެން ކުރާ ކޯލްތަކާއި، ސިމްތައް ނެގުން ހުއްޓުވުމަށް މި އަހަރުގެ އޭޕްރިލް މަހުގައި ދިރާގުން ވަނީ ޑިޕާޓްމަންޓް އޮފް ނެޝަނަލް ރަޖިސްޓްރޭޝަނާއެކު އެއްބަސްވުމެއްގައި ސޮއި ކޮށްފައެވެ. މި އެއްބަސްވުމުގެ ދަށުން ކޮންމެ މީހަކުވެސް ސިމްކާޑެއް ނަގަން ދިއުމުން ނުވަތަ ދިރާގުގެ އެއްވެސް ޚިދުމަތެއް ނަގާނަމަ އެ ފަރާތެއްގެ މަޢުލޫމާތު ޑީ.އެން.އާރު ގައި ހުރި މަޢުލޫމާތު ބޭނުންކޮށްގެން ސައްހަތޯ ޔަގީން ކުރެވޭނެއެވެ.