ރައްޔިތުންގެ މަޖިލީހުގެ ހިތަދޫ އުތުރު ދާއިރާގެ މެމްބަރު މުޙައްމަދު ސިނާނު، ރައްޔިތުންގެ މަޖިލީހުގެ މެމްބަރުކަމުން ވަކިވެއްޖެ ކަމަށް ސުޕްރީމް ކޯޓުން ހުކުމްކޮށްފި އެވެ.

ސުޕްރީމް ކޯޓުގައި އާދީއްތަ ދުވަހު ބޭއްވި ދުސްތޫރީ މައްސަލައިގެ ހުކުމް އިއްވުމުގެ މައްސަލާގައި ފަނޑިޔާރު އާއިޝާ ޝުޖޫން މުޙައްމަދުގެ ރަޢުޔަށް، ފަނޑިޔާރު އަލީ ރަޝީދު ޙުސައިން، ފަނޑިޔާރު ޑރ. މުޙައްމަދު އިބްރާހިމް، ފަނޑިޔާރު ޙުސައިން ޝަހީދު އަދި ފަނޑިޔާރު މުޙައްމަދު ސަލީމް ތާއީދު ކުރުމާއެކު، މިމައްސަލައިގެ ހުކުމް އިއްވާފައިވަނީ މައްސަލަ ބެއްލެވި ފަނޑިޔާރުންގެ އިއްތިފާގުންނެވެ.

Ad by Hajj Corporation

މިމައްސަލާގައި ހުކުމް އިއްވަމުން ސުޕްރީމް ކޯޓުގެ ފަނޑިޔާރު އާއިޝާ ޝުޖޫން މުޙައްމަދު ވިދާޅުވީ އައްޑޫ އަތޮޅު ހިތަދޫ މެޖިސްޓްރޭޓް ކޯޓުގެ ގަޒިއްޔާއިން، ސ.ހިތަދޫ، ހުޅުދޫއާގޭ މުޙައްމަދު ސިނާނުގެ މައްޗަށް ސާބިތުވި ދަރަނި، އެހުކުމާއި އެއްގޮތަށް ދައްކާފައިނުވުމުގެ ސަބަބުން ދިވެހިރާއްޖޭގެ ޖުމްހޫރިއްޔާގެ ގާނޫނު އަސާސީގެ 73 ވަނަ މާއްދާގެ ނ.ގެ އެއްވަނަ ނަމްބަރުގައި ބަޔާންކޮށްފައިވާ ހާލަތު މެދުވެރިވެ، ރައްޔިތުންގެ މަޖިލީހުގެ މެމްބަރު ކަމުން މުޙައްމަދު ސިނާނު ވަކިވެއްޖެ ކަމުގައި ކަނޑައަޅާ، ސުޕްރީމް ކޯޓުގެ މިމައްސަލަ ބެއްލެވި ފަނޑިޔާރުންގެ އިއްތިފާގުން ހުކުމްކޮށްފީމެވެ.

ސިނާނުގެ މައްޗަށް ހިތަދޫ މެޖިސްޓްރޭޓް ކޯޓުން 2024 ވަނަ އަހަރުގެ އޮކްޓޯބަރު މަހު ވަނީ، ސިނާން އާއި އެހެން ބަޔަކާއި ގުޅިގެން މޯލްޑިވްސް އިސްލާމިކް ބޭންކުން ނެގި 2.8 މިލިއަން ރުފިޔާގެ ލޯނެއްގެ މައްސަލާގައި، 2.5 މިލިއަން ރުފިޔާ ހަމަހަަށް ބަހާލައިގެން ދެއްކުމަށެވެ.

އިތުރު ތަފްސީލް އަންނަނީ...