މާލޭ ވޯޓަރ އެންޑް ސުވަރޭޖް ކޮމްޕެނީ (އެމްޑަބްލިޔުއެސްސީ)ގެ މެނޭޖިން ޑިރެކްޓަރު އަބްދުލްމަތީން މުހައްމަދު ވެސް މިއަދު މަގާމުން އިސްތިއުފާ ދެއްވައިފިއެވެ.

އެކްސްގައި ކުރެއްވި ޕޯސްޓެއްގައި މަތީން ވަނީ އޭނާ މަގާމު ދޫކޮށްލެއްވިކަން ކަށަވަރުކޮށްދެއްވާފައެވެ. ނަމަވެސް ސަބަބެއް ވިދާޅެއްނުވެއެވެ.

Ad by Hajj Corporation

އެމްޑަބްލިއުއެސްސީގެ އެމްޑީކަމަށް މަތީން އައްޔަނުކުރެއްވީ 2023 ވަނަ އަހަރުގެ ނޮވެމްބަރު މަހުއެވެ.

މަތީން މަގާމުން އިސްތިއުފާ ދެއްވާފައި މިވަނީ އެހެން ބައެއް ކުންފުނިތަކުގެ ވެރިން ވެސް އިސްތިއުފާ ދެއްވާފައި ވަނިކޮށެވެ. އޭގެ ތެރޭގައި އެމްޑަބްލިޔުއެސްސީގެ އިތުރުން އެމްޕީއެލް އަދި މިފްކޯގެ އެމްޑީން ވަނީ އިސްތިއުފާ ދެއްވާފައެވެ.

މީގެ އިތުރުން ފެނަކަ އާއި އެގްރޯ ނެޓްގެ އެމްޑީން ވަނީ މަގާމުން ވަކިކޮށްފައެވެ.