ހުރިހާ ޤައުމަކާއި ގުޅުން ބަދަހިކޮށް، ވަރުގަދަ ކުރުމާއެކު ރައީސް ޑރ. މުހައްމަދު މުޢިއްޒު ގެންގުޅުއްވަނީ ހަރުދަނާ ޚާރިޖީ ސިޔާސަތުތަކެއްކަމަށް ފުނަދޫ ދާއިރާގެ މެންބަރު މުހައްމަދު މަމްދޫހް މިއަދު ވިދާޅުވެއްޖެއެވެ.

ބޭރުގެ ސިފައިން ރާއްޖެއިން ފޮނުވާލަން ނިންމަވައި، އެކަން މި ސަރުކާރުން ތަންފީޒުކޮށްފައިވާއިރު މެންބަރު މަމްދޫހް މިހެން ވިދާޅުވީ އެކްސްގައި ކުރެއްވި ޕޯސްޓެއްގައެވެ.

މެމްބަރު މަމްދޫހް ވިދާޅުވެފައިވާ ގޮތުގައި ރަޢީސް ޑރ. މުޢިއްޒުގެ ވަޢުދުފުޅާއި އެއްގޮތައް، މަޝްވަރާގެ ރިވެތި އުސޫލުތައް އިސްކޮށް، ބޭރުގެ ސިފައިން މިޤަޢުމުގައި ޤާއިމުވެ ތިބި ތިބުން، ނިމި ދިޔަ މެއި މަހު އެވަނީ ނިމުމަކަށް ގެންނަވާފައެވެ.

''ކުރިއަށް އޮތްތާގައިވެސް އެފުރުސަތު އެއްވެސް ބަޔަކަށް ނުދެއްވާނެ. އަދި ހަމަ އެހެންމެ، ހަރުދަނާ ޚާރިޖީ ސިޔާސަތުތަކާއެކު، ހުރިހާ ޤަޢުމުތަކަކާ ދާނީ ގުޅުންތައް ބަދަހިކޮށް ވަރުގަދަކުރަމުން. އެކަމަކަށް، މިޤައުމުގެ މިނިވަންކަމާއި ސިޔާދަތާއި އިސްތިޤުލާލާއި އަމިއްލަވަންތަކަން، އެހެން އެއްވެސް ބައެއްގެ އަތްމައްޗަށް އެމަނިކުފާނު ދޫކޮށް ނުލައްވާނެ.'' މަމްދޫހް ވިދާޅުވެފަވެއެވެ.

އޭނާ ފާހަގަކުރަށްވާފައިވާގޮތުގައި ދިވެހީންގެ ކަންކަން ނިންމާނީ ފުރިހަމަ މިނިވަންކަމާއި ބާރުވެރިކަމުގައި، އަބަދުވެސް ދިވެހީންނެވެ.

މިސަރުކާރު ހުރިހާ ޚަރިޖީ ސިޔާސަތުތަކެއް ބިނާވެ ބައްޓަންވެގެންދަނީ، އަދި ދާނީވެސް، ‘މޯލްޑިވްސް ފަސްޓް’ ޕޮލިސީގެ މައްޗަށްކަމަށް މަމްދޫހް ވަނީ ވިދާޅުވެފައެވެ.